மகளிா் திட்டம் மூலம் செயல்படுத்தப்படும் திட்டங்கள்: அலுவலா்களுடன் ஆலோசனை

கள்ளக்குறிச்சி மாவட்டத்தில் தமிழ்நாடு மாநில ஊரக வாழ்வாதார இயக்கம் சாா்பில், 2025 - 26ஆம் நிதியாண்டில் மகளிா் திட்டம் மூலம் செயல்படுத்த உள்ள திட்டங்கள் குறித்து துறை சாா்ந்த அலுவலா்களுடனான ஆலோசனைக் கூட்டம் ஆட்சியா் எம்.எஸ்.பிரசாந்த் தலைமையில் ஆட்சியரகக் கூட்டரங்கில் வியாழக்கிழமை நடைபெற்றது.

தமிழ்நாடு மாநில ஊரக வாழ்வாதார இயக்கம் சாா்பில் மகளிா் சுய உதவிக் குழுக்களுக்கு பல்வேறு கடனுதவிகள் மற்றும் வளா்ச்சித் திட்டப் பணிகள் மேற்கொள்ளப்பட்டு வருகிறது. அதன்படி, தமிழ்நாடு மாநில ஊரக வாழ்வாதார இயக்கம் சாா்பில் 2025 - 26ஆம் நிதியாண்டில் மகளிா் திட்டம் மூலம் செயல்படுத்தப்பட உள்ள திட்டங்கள் குறித்து கலந்தாலோசிக்கப்பட்டது.

ஆடு, மாடு, கோழி, காடை வளா்ப்பு போன்ற பண்ணை செயல்பாடுகள் குறித்தும், மகளிா் சுயஉதவிக் குழுக்கள் மூலம் கல்லூரிகளில் உணவுக்கூடம் அமைத்தல், அரசு மருத்துவமனைகளில் சிறுதானிய உணவகம் அமைத்தல், மசாலா தொகுப்பு போன்ற பண்ணை சாரா திட்ட செயல்பாடுகள் குறித்தும் துறை சாா்ந்த அலுவலா்களுடன் ஆட்சியா் கலந்தாலோசித்தாா்.

2025-26ஆம் நிதியாண்டில் மகளிா் திட்டம் சாா்பில் செயல்படுத்தப்பட உள்ள திட்டங்களின் கீழ், தகுதியான பயனாளிகளை முறையாக அரசு விதிமுறைகளுக்குள்பட்டு தோ்ந்தெடுத்து, அனைத்துத் துறைகளையும் ஒருங்கிணைத்து சிறப்பாக செயல்படுத்திட சம்பந்தப்பட்ட துறை அலுவலா்களுக்கு மாவட்ட ஆட்சியா் அறிவுரை வழங்கினாா்.

தொடா்ந்து, சென்னையில் நடைபெற்ற மாநில அளவிலான பன்முக கலாசார போட்டிகளில் கபடிப் போட்டியில் மூன்றாம் பரிசு பெற்ற க.செல்லம்பட்டு ஊராட்சியைச் சோ்ந்த மகளிா் சுயஉதவிக் குழுவினரும், கயிறு இழுத்தல் போட்டியில் இரண்டாம் பரிசு பெற்ற சித்தப்பட்டினம் ஊராட்சியைச் சோ்ந்த மகளிா் சுயஉதவிக் குழுவினரும் தமிழக துணை முதல்வா் விருதுகள் மற்றும் சான்றிதழ்கள் வழங்கியதை மாவட்ட ஆட்சியடம் காண்பித்து வாழ்த்துப் பெற்றனா்.

கூட்டத்தில் மகளிா் திட்ட அலுவலா் சுந்தர்ராஜன் மற்றும் சம்பந்தப்பட்ட துறை அலுவலா்கள் பலா் பங்கேற்றனா்.