கொண்டாடவே சென்றார்கள்.. சாக அல்ல.. சின்னசாமி அரங்கில் நடந்தது என்ன?
மக்களின் மகத்தான ஆதரவுடன் வருகிற 2026 சட்டப்பேரவைத் தோ்தலில் வெற்றி பெற்று திமுக மீண்டும் ஆட்சி அமைக்கும் என அந்தக் கட்சியின் தலைவரும், தமிழக முதல்வருமான மு.க. ஸ்டாலின் உறுதிபடத் தெரிவித்தாா்.
மதுரை உத்தங்குடியில் ஞாயிற்றுக்கிழமை நடைபெற்ற திமுக மாநிலப் பொதுக் குழுக் கூட்டத்தில் அவா் மேலும் பேசியதாவது:
மதுரையில் 7-ஆவது முறையாக திமுக பொதுக் குழுக் கூட்டம் தற்போது நடைபெற்றுள்ளது. தமிழகத்தில் 7-ஆவது முறையாக திமுக ஆட்சியமைக்க அடித்தளம் அமைக்கும் பொதுக் குழுக் கூட்டம். இது வழக்கமான பொதுக் குழுக் கூட்டம் அல்ல. பேரவைத் தோ்தலில் திமுக 7-ஆவது முறையாக வெற்றி வாகை சூட வியூகம் வகுக்கும் பொதுக் குழு.
கண்ணுக்கெட்டிய தொலைவு வரை எதிரிகளே இல்லை என ஆணவமாகச் சொல்ல நான் விரும்புவதில்லை. அதேநேரத்தில், இரவு, பகல் பாராமல், தன்னலம் கருதாமல் கட்சிப் பணியாற்றும் திமுக நிா்வாகிகள், தொண்டா்களால் பேரவைத் தோ்தலில் மீண்டும் நமது கட்சி வரலாறு காணாத வெற்றி பெறும் என்பதை உறுதிபடத் தெரிவிக்கிறேன். சூரியன் நிரந்தரமானது. இதேபோல, திமுகவும், நமது கட்சி ஆட்சியும் நிரந்தரமானது என்ற நிலையை நாம் உருவாக்க வேண்டும். நம்மால் இது முடியும்.
திமுக அனுபவிக்கும் சோதனைகளும், நெருக்கடிகளும் சாதாரணமானதல்ல. ஆளும் கட்சியாக இருந்தாலும் எதிா்க்கட்சியைப் போன்றுதான் போராட வேண்டியுள்ளது. இந்தப் போராட்டம் மாநில உரிமைக்கானது. அரசியல் எதிரிகள், கொள்கை எதிரிகள், இன எதிரிகள், துரோகிகள் என அனைத்துப் பக்கங்களிலும் எதிரிகள் உள்ளனா். அவதூறுகள் மூலம் சிலா் திமுகவை வீழ்த்த நினைக்கின்றனா். ஆளும் கட்சியாக இருந்தாலும் திமுக மீதுதான் அதிக விமா்சனங்கள் குவியும். திமுகவை ஆதரிப்பவா்கள்கூட, சில நேரங்களில் எதிரிகளால் பரப்பப்படும் அவதூறுகளை நம்பி நம்மைத் தாக்கும் நிலையையும் சமூக ஊடகங்களில் காண முடிகிறது. எத்தனை அவதூறு பரப்பப்பட்டாலும், திமுக ஆட்சிக்கு எதிரான அலையைவிட மக்கள் ஆதரவு அலைதான் அதிகமாக வீசுகிறது என்பதுதான் உண்மை.
முந்தைய அதிமுக ஆட்சியில் தமிழகத்தின் உரிமைகள் அனைத்தும் விட்டுக் கொடுக்கப்பட்டிருந்த நிலையில்தான் திமுக ஆட்சி வாய்ப்பைப் பெற்றது. மத்திய பாஜக அரசுடன் போராடி, தமிழகத்தின் உரிமைகளை திமுக அரசு மீட்டெடுத்துள்ளது. பொருளாதார, அரசியல் ரீதியான முட்டுக்கட்டைகள், ஆளுநா் மூலமான முட்டுக்கட்டைகள், உரிமைகளை அபகரிக்கும் முட்டுக்கட்டைகள் என பல்வேறு தடைகளை மத்திய பாஜக அரசு ஏற்படுத்தினாலும், அவற்றையெல்லாம் உடைத்தெறிந்து இந்தியாவிலேயே வளா்ச்சியில் முதன்மை பெற்ற மாநிலமாக தமிழகத்தை திமுக அரசு உயா்த்தியுள்ளது.
வருகிற 2026-ஆம் ஆண்டில் சட்டப்பேரவைத் தோ்தல் நடைபெறவிருக்கிறது. எனவே, சட்டம்-ஒழுங்கு சரியில்லை, குற்றங்கள் அதிகரித்துள்ளன என வழக்கத்தைவிட அதிகமான எண்ணிக்கையில் திமுகவுக்கு எதிராக அவதூறு அம்புகளை எதிரிகள் வீசுவா். கருத்துக் கணிப்புகளின் பெயரால் திமுக கூட்டணிக்கான வாக்கு சதவீதத்தை குறைத்து பதிவு செய்து, மக்கள் மனதில் பொய்யை விதைக்க முயற்சிப்பா். இந்த முயற்சிகளை திமுகவினா் முறியடிக்க வேண்டும். எதிரிகள் பரப்பும் அவதூறுகள் மக்களிடம் செல்லும் முன்பாக நம்முடைய உண்மையான நிலை மக்களைச் சென்றடைய வேண்டும்.
திமுக தொடா்ந்து வெற்றி பெறுவதற்கு கூட்டணியும் முக்கியக் காரணம். இந்தக் கூட்டணி நீண்ட காலம் தொடருவதற்கு முக்கியக் காரணம், தோழமைக் கட்சிகளின் தலைவா்கள், தோழா்களுக்கு நாம் மதிப்பளித்து செயல்படுவதுதான். சில இடங்களில் முரண்கள் இருந்தாலும், திமுக நிா்வாகிகள் பேச்சுவாா்த்தை நடத்தி, விட்டுக்கொடுத்துப் பணியாற்ற வேண்டும். அப்போதுதான் நாம் நமது வெற்றிப் பயணத்தைத் தொடர முடியும்.
திமுக கூட்டணியைப் பிரிக்க எதிா்க்கட்சித் தலைவா் எடப்பாடி பழனிசாமி எத்தனையோ முயற்சிகளை மேற்கொண்டாா். ஆனால், அனைத்திலும் அவருக்குத் தோல்வியையே நாம் அளித்தோம். தற்போது, அவா் பாஜகவிடம் மீண்டும் சரணடைந்துவிட்டாா். அதிமுக தற்போது பாஜகவின் கட்டுப்பாட்டுக்குள் சென்றுவிட்டது. அடுத்த கட்டமாக தமிழகத்தை பாஜகவின் கட்டுப்பாட்டுக்குள் கொண்டு செல்ல எடப்பாடி பழனிசாமியும், அமித் ஷாவும் முயற்சிக்கின்றனா். மத்திய அமைச்சா் அமித் ஷா எத்தனை முறை தமிழகத்துக்கு வந்தாலும், அவா்களால் தமிழகத்தை என்றைக்குமே ஆள முடியாது.
தமிழகத்தில் பாஜக கூட்டணி ஆட்சி அமைந்தால் நமது மாநிலம் எந்தெந்த வகையில் பின்னடைவைச் சந்திக்கும், எவ்வளவு பிரச்னைகளை எதிா்கொள்ள நேரிடும் என்பதையும் திமுகவினா் மக்களிடம் விளக்கிக் கூற வேண்டும். தமிழகத்தின் தனித்துவத்தையே அதிமுக- பாஜக கூட்டணி அழித்துவிடும் என்பதை மக்களிடம் விளக்கிக் கூற வேண்டும். இது மட்டுமல்லாமல், தற்போது புதிதாக சிலா் “நாங்கள்தான் மாற்று” எனக் கூறி இளைஞா்களை ஏமாற்ற முயற்சிக்கிறாா்கள். அவா்களுக்கும் திமுகவினா் பதிலடி தர வேண்டும்.
திமுக அரசின் சாதனைகள், நலத் திட்டங்களால் தொகுதி வாரியாக கிடைக்கப் பெற்ற வளா்ச்சி ஆகியவற்றை திமுகவினா் மக்களிடம் விளக்க வேண்டும். எல்லோருக்கும் எல்லாமும் கிடைக்க வேண்டும் என்ற நோக்கத்தில் விரிவாக செயல்படுத்தப்பட்ட அரசின் நலத் திட்டங்கள் மூலம் தமிழகத்தில் ஏறத்தாழ 2.5 கோடி மக்கள் பயனடைந்துள்ளனா். அவா்களின் வாக்குகளை முழுமையாக திமுகவுக்குக் கிடைக்கச் செய்யும் கடமையை கட்சி நிா்வாகிகள், தொண்டா்கள் முழுமையாக நிறைவேற்ற வேண்டும்.
திமுக என்ற இயக்கம் இளைஞா்களால் உருவான இயக்கம். திமுக தொடங்கப்பட்டபோது அண்ணாவுக்கு வயது 40. கருணாநிதி, மதியழகன், அன்பழகன் என திமுகவின் முன்னோடிகள் அனைவரும் அப்போது இளைஞா்கள்தான். அவா்கள்தான் அரசியல் களத்திலும், போராட்டக் களத்திலும் முதன்மையாக நின்று இளைஞா்களை ஈா்த்தாா்கள்; திமுகவை ஆட்சியில் அமா்த்தினாா்கள்.
இதேபோல, திமுக நிா்வாகிகள் அனைவரும் கட்சியில் இளைஞா்களை ஊக்கப்படுத்த வேண்டும். திமுகவில் தற்போது 25 அணிகள் உள்ளன. இவற்றில் காலியாக உள்ள பொறுப்புகளில் இளைஞா்களை நியமிக்க வேண்டும். கட்சிக்கு வலு சோ்க்கவே அணிகள் அமைக்கப்படுகின்றன. இவற்றில் இளைஞா்களுக்கு எந்தளவுக்கு வாய்ப்புகள் அளிக்கப்படுகிறதோ, அந்தளவுக்கு கட்சியில் புது ரத்தம் பாயும். செயல்பாடுகள் வேகமாக இருக்கும். வெற்றி உறுதியாகும்.
இன்றைய நிலையில் திமுக அரசின் திட்டங்கள் தமிழகத்தில் உள்ள அனைத்துக் குடும்பங்களையும் சென்றடைந்துள்ளன. இதனால், ஒவ்வொரு குடும்பத்திலும் திமுகவுக்கு மகத்தான ஆதரவு உள்ளது. அவா்களில் ஆா்வமுள்ளவா்களை கட்சியில் உறுப்பினராகச் சோ்க்க வேண்டும். திமுக இருக்கும் வரை, நான் (மு.க. ஸ்டாலின்) இருக்கும் வரை மத்திய அரசின் அடக்குமுறைகளுக்கு ஒருபோதும் தமிழ்நாடு வீழாது. தமிழ்நாடு போராடும். தமிழ்நாடு வெல்லும். பொதுக்குழுவில் தொடங்கியிருக்கும் இந்தப் பயணம், வருகிற சட்டப்பேரவைத் தோ்தல் வெற்றி விழா பொதுக் கூட்டமாக நிறைவடையும் என்றாா் அவா்.
முன்னதாக, திராவிடா் கழகத் தலைவா் பெரியாா், மறைந்த முன்னாள் முதல்வா்கள் அண்ணா, கருணாநிதி, திமுக முன்னாள் பொதுச் செயலா் க. அன்பழகன் ஆகியோரின் படங்களுக்கு முதல்வா் மு.க. ஸ்டாலின் மலா் தூவி மரியாதை செலுத்தினாா்.
திமுக பொதுச் செயலா் துரைமுருகன், முதன்மைச் செயலா் கே.என். நேரு, பொருளாளா் டி.ஆா். பாலு, துணைப் பொதுச் செயலா்கள் இ. பெரியசாமி, அந்தியூா் ப. செல்வராஜ், திருச்சி என். சிவா, ஆ. ராசா, மதுரை வடக்கு மாவட்ட திமுக செயலா் பி. மூா்த்தி, துணை முதல்வா் உதயநிதி, அமைச்சா்கள், திமுக மாநிலப் பொதுக் குழு உறுப்பினா்கள், மாவட்டச் செயலா்கள் கலந்து கொண்டனா்.
