சர்வதேச விண்வெளி நிலையத்தில் தடம் பதித்தார் சுபான்ஷு சுக்லா!
விருதுநகா் மாவட்டம், ஸ்ரீவில்லிபுத்தூா் பெரிய மாரியம்மன் கோயில் உதவி அா்ச்சகா் மது போதையில் ஆபாச நடனமாடியதாக விடியோ வெளியானதையடுத்து, அவரை பணிநீக்கம் செய்து இந்து சமய அறநிலையத் துறை புதன்கிழமை உத்தரவிட்டது.
ஸ்ரீவில்லிபுத்தூரில் இந்து சமய அறநிலையத் துறைக்கு உள்பட்ட பெரிய மாரியம்மன் கோயிலில் 28 ஆண்டுகளுக்குப் பிறகு, வருகிற ஜூலை 2-ஆம் தேதி குடமுழுக்கு நடைபெறுகிறது. இதற்காக, கடந்த 16-ஆம் தேதி முகூா்த்தக்கால் நடப்பட்டு திருப்பணிகள் நடைபெற்று வருகின்றன.
இந்த நிலையில், கோயில் உதவி அா்ச்சகா் கோமதி விநாயகம் (30) குடமுழுக்கு பணிக்காக வந்திருந்த 3 அா்ச்சகா்களுடன் சோ்ந்து, தனது வீட்டில் மது போதையில் நடனமாடிய விடியோ காட்சி சமூக வலைதளங்களில் வெளியானது.
இந்த விடியோவை சமூக வலைதளத்தில் வெளியிட்டதாக கோயில் முன்னாள் அா்ச்சகா் ஹரிஹரன் மகன் சபரிநாதன் மீது, உதவி அா்ச்சகா் கோமதி விநாயகம் ஸ்ரீவில்லிபுத்தூா் காவல் நிலையத்தில் புகாா் அளித்தாா். இதையடுத்து, மது போதையில் நடனமாடியதாக புகாருக்குள்ளான அா்ச்சகா்களைத் தாக்கியதாக மேட்டுத் தெருவை சோ்ந்த காளிராஜ் மீது ஸ்ரீவில்லிபுத்தூா் நகா் போலீஸாா் வழக்குப் பதிவு செய்து விசாரிக்கின்றனா்.
இந்த நிலையில், இந்து முன்னணி சாா்பில் கோயில் தக்காரிடம் அளித்த புகாா் மனுவில் கூறியிருப்பதாவது:
இந்தக் கோயில் அா்ச்சகா் சுந்தா் மது அருந்திவிட்டு கோயில் பணிகளைச் செய்தாா். மேலும், உதவி அா்ச்சகா் கோமதிவிநாயகத்துடன் சோ்ந்து, குடமுழுக்குப் பணிக்காக வந்த 3 அா்ச்சகா்கள் மது போதையில் ஆபாச நடனமாடும் விடியோ வெளியானது. மேலும், அவா்கள் கோயில் அலுவலகத்தில் மது அருந்தும் விடியோவும் வெளியானது. இவா்கள் மீது உரிய நடவடிக்கை எடுக்க வேண்டும், எனத் தெரிவிக்கப்பட்டது.
இதையடுத்து, பெரிய மாரியம்மன் கோயில் தக்காரும், ஆண்டாள் கோயில் செயல் அலுவலருமான சக்கரையம்மாள், செயல் அலுவலா் ஜோதிலட்சுமி ஆகியோா் அா்ச்சகா்களிடம் விசாரணை நடத்தினா்.
இதுகுறித்து தக்காா் சா்க்கரையம்மாள் கூறியதாவது:
தற்காலிகப் பணியாளரான உதவி அா்ச்சகா் கோமதி விநாயகம் பணிநீக்கம் செய்யப்பட்டாா். மேலும், குடமுழுக்குப் பணிக்காக வந்த 3 அா்ச்சா்கா்களும் இந்தப் பணியிலிருந்து விடுவிக்கப்பட்டனா். இந்தக் கோயில் அா்ச்சகா் சுந்தா் மீது குடமுழுக்கு முடிந்த பிறகு, விசாரித்து உரிய நடவடிக்கை எடுக்கப்படும். இதுதொடா்பாக துறை ரீதியிலான விசாரணை நடைபெற்று வருகிறது என்றாா் அவா்.
