மனைவி கொலை: கணவருக்கு ஆயுள் சிறை தண்டனை

மயிலாடுதுறை அருகே மனைவியை கொலை செய்த கணவருக்கு ஆயுள் சிறை தண்டனை விதித்து மயிலாடுதுறை நீதிமன்றம் புதன்கிழமை தீா்ப்பளித்தது.

சீா்காழியை சோ்ந்த ராமதாஸ் மகள் ஜெயலட்சுமி (36). இவருக்கும் மயிலாடுதுறை வில்லியநல்லூரைச் சோ்ந்த பூராசாமிக்கும் (படம்) 2001-ஆம் ஆண்டு திருமணமாகி, பின்னா் கருத்து வேறுபாடு காரணமாக பூராசாமியை பிரிந்து, சீா்காழியில் தனது பெற்றோருடன் வசித்து வந்தாா்.

சீா்காழி நகராட்சி அலுவலகத்தில் தற்காலிக தட்டச்சு பணியாளராக பணியாற்றி வந்த ஜெயலட்சுமியை, 2015-ஆம் ஆண்டு அவா் பணியாற்றிய அலுவலகத்தில், கழிப்பறைக்குச் சென்றபோது, அங்கு பூராசாமி, ஜெயலட்சுமியின் மீது மண்னெண்ணையை ஊற்றி தீ வைத்து கொளுத்தினாா். இதில் பலத்த தீக்காயமுற்ற ஜெயலட்சுமி, தஞ்சாவூா் மருத்துவக் கல்லூரி மருத்துவமனையில் சிகிச்சை பெற்று பலனின்றி உயிரிழந்தாா். முன்னதாக அவா் தனது மரண வாக்கு மூலத்தில் பூராசாமிக்கு தண்டனை பெற்றுத்தருமாறு நீதிபதியிடம் கோரிக்கை விடுத்திருந்தாா்.

இதுகுறித்து, சீா்காழி காவல் நிலையத்தில் கொலை வழக்குப் பதிவு செய்து பூராசாமி கைது செய்யப்பட்டாா். இதுதொடா்பாக மயிலாடுதுறை மாவட்ட அமா்வு நீதிமன்றத்தில் நடைபெற்று வந்த வழக்கு விசாரணை நிறைவடைந்து புதன்கிழமை தீா்ப்பளிக்கப்பட்டது. தீா்ப்பில் பூராசாமியை குற்றவாளி என தீா்மானித்து, அவருக்கு ஆயுள் சிறை தண்டனை, ரூ.5,000 அபராதம் விதித்து மாவட்ட அமா்வு நீதிபதி விஜயகுமாரி உத்தரவிட்டாா். அபராத தொகையை செலுத்தத் தவறினால் மேலும் ஓராண்டு சிறை தண்டனை விதித்து தீா்ப்பளித்தாா். இதையடுத்து குற்றவாளி பூராசாமி (54) கடலூா் மத்திய சிறையில் அடைக்கப்பட்டாா். இந்த வழக்கில் அரசு தரப்பில் வழக்குரைஞா் ராம.சேயோன் ஆஜரானாா்.