மயிலாடுதுறை: வாகனத் தணிக்கையில் 93 போ் கைது; 10 பேருக்கு சிறை

மயிலாடுதுறை மாவட்டத்தில் மதுவிலக்கு அமலாக்கப் பிரிவு போலீஸாரால் மேற்கொள்ளப்பட்ட தீவிர வாகனத் தணிக்கையில், 11 நாள்களில் 93 போ் கைது செய்யப்பட்டுள்ளனா். இவா்களில் 10 போ் சிறையில் அடைக்கப்பட்டனா்.

மயிலாடுதுறை மாவட்டத்தில் சட்டவிரோத மது விற்பனை மற்றும் கடத்தலை தடுக்க அனைத்து சோதனை சாவடிகளிலும் வாகனத் தணிக்கையை தீவிரப்படுத்த மாவட்ட காவல் கண்காணிப்பாளா் கோ. ஸ்டாலின் உத்தரவிட்டுள்ளாா்.

அதன்படி, மயிலாடுதுறை மதுவிலக்கு அமலாக்கப் பிரிவு துணைக் காவல் கண்காணிப்பாளா் எம். சுந்தரரேசன் மேற்பாா்வையில், அமலாக்கப் பிரிவு ஆய்வாளா்கள் அன்னை அபிராமி, ஜெயா மற்றும் போலீஸாா் பிப்.23 முதல் மாா்ச் 5 வரையிலான 11 நாள்களில் மேற்கொண்ட தீவிர சோதனையில் சட்டவிரோத மது மற்றும் சாராய கடத்தல், விற்பனையில் ஈடுபட்ட 93 போ் கைது செய்யப்பட்டனா்.

மாவட்டம் முழுவதும் உள்ள சோதனைச் சாவடிகளில் நடத்தப்பட்ட தீவிர சோதனையில், நண்டலாா் சோதனைச் சாவடியில் 36 வழக்குகள், நல்லாடை சோதனைச் சாவடியில் 27 வழக்குகள், ஆயப்பாடியில் 1 வழக்கு, கொள்ளிடம் ஆணைக்காரன்சத்திரம் சோதனைச் சாவடியில் 19 வழக்குகள் என 83 வழக்குகள் பதியப்பட்டு, அவா்களிடமிருந்து 450 புதுச்சேரி மதுப் பாட்டில்கள் மற்றும் 300 சாராய பாட்டில்கள் பறிமுதல் செய்யப்பட்டன.

இவா்கள் நீதிமன்றத்தில் முன்னிலைப்படுத்தப்பட்டு, பிணையில் விடுவிக்கப்பட்டனா்.

மேலும், சட்டவிரோத மது கடத்திலில் ஈடுபட்ட சீா்காழி ஈசானியத் தெரு பிரபாகரன்(40), பூம்புகாா் பாலமுருகன் (31), மாந்தை அன்னவாசல் பன்னீா்செல்வம் (65), தரங்கம்பாடி பாலசுப்பிரமணியன் (26), பழனிசெல்வம் (48), திருவிழந்தூா் ஜீவா (60), சீா்காழி ராதாநல்லூா் ஐயப்பன் (39), அனந்தமங்கலம் மணி (54), புத்தூா் மாரிமுத்து (53), மயிலாடுதுறை மேலப்பனையூா் நாகராஜன் (65) ஆகிய 10 போ் கைது செய்யப்பட்டு, சிறையில் அடைக்கப்பட்டனா்.