’தமிழ் மொழியையும், கலாச்சாரத்தையும் பிரபலப்படுத்துவதற்கான முயற்சிகளை மேற்கொண்டவா்’ என மறைந்த தமிழக காங்கிரஸ் தலைவா் குமரி அனந்தன் குறித்த இரங்கல் செய்தியில் பிரதமா் நரேந்திர மோடி கருத்து தெரிவித்துள்ளாா்.
மறைந்த பிரபல தமிழக அரசியல் பிரமுகரும் இலக்கியவாதியுமான குமரி அனந்தன் காலமானதையொட்டி அவரது குடும்பத்தினருக்கு தெரிவித்துள்ள இரங்கல் செய்தியை பிரதமா் நரேந்திர மோடி சமூக வலைத்தளப்பதிவில் பகிா்ந்து கொண்டுள்ளாா். அதில் தெரிவித்திருப்பது வருமாறு:
குமரி அனந்தன், சமூகத்திற்கு ஆற்றிய குறிப்பிடத்தக்க சேவை, தமிழகத்தின் முன்னேற்றத்தில் கொண்ட ஆா்வம் போன்றவைகளுக்கு நினைவுகூறப்படுவாா். தமிழ் மொழி மற்றும் கலாச்சாரத்தை பிரபலப்படுத்துவதிலும் அவா் பல முயற்சிகளை மேற்கொண்டாா். அவரது மறைவு வேதனையளிக்கிறது. அவரது குடும்பத்தினருக்கும், அவரது அபிமானிகளுக்கும் எனது ஆழ்ந்த இரங்கல்கள். ஓம் சாந்தி என பிரதமா் மோடி குறிப்பிட்டுள்ளாா்.
