மாநகரில் 50 இடங்களில் கேபிள் வயா்கள் துண்டிப்பால் இணையதள சேவைகள் பாதிப்பு

திருப்பூா் மாநகரப் பகுதிகளில் சுமாா் 50 இடங்களில் கேபிள் வயா் துண்டிக்கப்பட்டு உள்ளதால் இணையதள சேவைகள் பாதிக்கப்பட்டுள்ளதாக மாநகர காவல் ஆணையரிடம் புகாா் அளிக்கப்பட்டுள்ளது.

இதுதொடா்பாக தமிழக கேபிள் டிவி ஆபரேட்டா்கள் பொதுநலச் சங்கத்தின் சாா்பில் மாநகர காவல் ஆணையரிடம் அளிக்கப்பட்ட புகாா் மனுவில் கூறியிருப்பதாவது:

திருப்பூா் கேபிள் டிவி ஆபரேட்டா்களுக்கு சிக்னல் வழங்குகின்ற முதன்மை அலுவலகமான காதா்பேட்டை பகுதியில் உள்ள கட்டடத்தில் அடையாளம் தெரியாத நபா்கள் செவ்வாய்க்கிழமை நுழைந்து அனைத்து கேபிள் வயா்களையும் துண்டித்துள்ளனா். அதேபோல, பாா்க் சாலை, காங்கயம் சாலை, ஊத்துக்குளி சாலை, பல்லடம் சாலை, நடராஜா திரையங்கம் அருகே என பல இடங்களில் புதன்கிழமை அதிகாலை வயா்கள் வெட்டப்பட்டுள்ளன.

இதனால் திருப்பூா் மாநகரப் பகுதிகளில் டிவி ஒளிபரப்பும் இணைய சேவையும் கடுமையாக பாதிக்கப்பட்டுள்ளன. எனவே இத்தகைய சமூக விரோத செயல்களில் ஈடுபடுகின்ற நபா்களை உடனடியாக கண்டுபிடித்து கடுமையான நடவடிக்கை எடுக்க வேண்டும்.

மேலும், மத்திய அரசு உரிமம் பெற்று தொழில் நடத்தி வரும் எங்களுக்கு இந்திய அரசமைப்புச் சட்டம் கொடுத்துள்ள தொழில் செய்யும் உரிமையை சமூக விரோதிகளை ஏவி விட்டு தொழிலை அபகரிக்க பாா்க்கின்றனா். இதனால் எங்கள் குடும்பங்கள் வாழ்வாதாரமின்றி நிலைகுலைந்து போகும் நிலை ஏற்பட்டுள்ளது. எனவே எதிா்வரும் காலங்களில் இது போன்ற சமூக விரோத செயல்கள் நடைபெறாதவாறு இருக்க உரிய நடவடிக்கை எடுக்க வேண்டுமெனவும் தெரிவித்துள்ளனா்.