மாநில ஹாக்கி: அரையிறுதியில் சென்னை, நெல்லை விருதுநகா், மதுரை அணிகள்

தூத்துக்குடி மாவட்டம் கோவில்பட்டியில் நடைபெற்று வரும் மாநில அளவிலான ஹாக்கி போட்டியில் சென்னை, திருநெல்வேலி, விருதுநகா், மதுரை மாவட்ட அணிகள் அரையிறுதிக்கு முன்னேறியுள்ளன.

கோவில்பட்டி கிருஷ்ணா நகரில் உள்ள செயற்கை இழை ஹாக்கி மைதானத்தில் ஹாக்கி யூனிட் ஆஃப் தமிழ்நாடு, ஹாக்கி யூனிட் ஆஃப் தூத்துக்குடி ஆகியவை இணைந்து நடத்தும் கே.ராமசாமி பிறந்தநாள் கோப்பைக்கான ஹாக்கி போட்டியின் 4ஆம் நாளான சனிக்கிழமை காலிறுதி போட்டி நடைபெற்றது.

முதல் காலிறுதி ஆட்டத்தில் தூத்துக்குடி மாவட்ட அணியை, சென்னை மாவட்ட அணி 3 - 1 என்ற கோல் கணக்கில் வென்றது. 2ஆவது ஆட்டத்தில் திருநெல்வேலி மாவட்ட அணி, தஞ்சாவூா் மாவட்ட அணியை 5 - 4 என்ற கோல் கணக்கில் வீழ்த்தியது.

3ஆவது ஆட்டத்தில் விருதுநகா் மாவட்ட அணி, கோவை மாவட்ட அணியை சூட்-அவுட் முறையில் 4 - 2 என்ற கோல் கணக்கில் வென்றது. 4ஆவது ஆட்டத்தில் மதுரை மாவட்ட அணி, நீலகிரி மாவட்ட அணியை 3 - 2 என்ற கோல் கணக்கில் வீழ்த்தியது. காலிறுதியில் வெற்றிபெற்ற 4 அணிகளும் அரையிறுதிக்கு முன்னேறியுள்ளன.

இன்றைய ஆட்டம்: ஞாயிற்றுக்கிழமை காலை 7 மணிக்கு நடைபெறும் முதல் அரையிறுதி போட்டியில் சென்னை மாவட்ட அணியும், திருநெல்வேலி மாவட்ட அணியும் மோதுகின்றன. 2ஆவது அரையிறுதி ஆட்டத்தில் விருதுநகா் மாவட்ட அணியும், மதுரை மாவட்ட அணியும் மோதுகின்றன. பிற்கல் 2 மணிக்கு 3 மற்றும் 4ஆம் பரிசுக்கான போட்டியும், 4 மணிக்கு இறுதிப் போட்டியும் நடைபெறும்.