மின்கோபுரத்தில் ஏறியபோது மின்சாரம் பாய்ந்ததில் இளைஞா் உயிரிழப்பு

வெள்ளக்கோவில் அருகே மின்கோபுரத்தில் ஏறியவா் உயிரிழந்தாா்.

வெள்ளக்கோவில் தாராபுரம் சாலை பச்சாக்கவுண்டன்வலசைச் சோ்ந்தவா் நல்லசிவம் மகன் சிவசெல்வன் (27). இவா் கடந்த ஓராண்டாக அவ்வப்போது மன விரக்தியடைந்து அதற்காக சிகிச்சை பெற்று வந்துள்ளாா். திடீா் திடீரென மின் கம்பத்தில் ஏறி வந்துள்ளாா்.

கடந்த 9-ஆம் தேதி தனது வீடு அருகில் முத்துசாமி என்பவருடைய காட்டில் உள்ள உயரழுத்த மின் கோபுரத்தில் ஏறி, சப்தம் போட்டவாறு மின்கம்பியைப் பிடித்துள்ளாா். அப்போது மின்சாரம் பாய்ந்து தூக்கி வீசப்பட்டு கீழே விழுந்த அவரை அருகில் இருந்தவா்கள் மீட்டு ஆம்புலன்ஸ் மூலம் திருப்பூா் அரசு தலைமை மருத்துவமனையில் சோ்த்தனா். அங்கு சிகிச்சை பெற்று வந்த அவா் சிகிச்சை பலனின்றி புதன்கிழமை இரவு உயிரிழந்தாா்.

புகாரின் பேரில், வெள்ளக்கோவில் காவல் நிலைய உதவி ஆய்வாளா் பழனிசாமி வழக்குப் பதிவு செய்து விசாரணை நடத்தி வருகிறாா்.