மின்சாரம் பாய்ந்து ஜாா்க்கண்ட் தொழிலாளி உயிரிழப்பு

கள்ளக்குறிச்சி அருகே மின்சாரம் பாய்ந்து ஜாா்க்கண்ட் மாநிலத்தைச் சோ்ந்த தொழிலாளி புதன்கிழமை உயிரிழந்தாா்.

கள்ளக்குறிச்சியை அடுத்த வீரசோழபுரத்தில் செயல்படும் தனியாா் நிறுவனத்தில் ஜாா்க்கண்ட் மாநிலம், பலமு மாவட்டம், நரசிங்பூா்பத்ரா லோக்கியா கிராமத்தைச் சோ்ந்த சகல்தீப்மாத்தோ மகன் யோகேந்திரபிரசாந்த் (45) கடந்த 6 மாதங்களாக தொழிலாளியாகப் பணிபுரிந்து வந்தாா்.

இவா் புதன்கிழமை தான் தங்கி உள்ள அறையில் குளித்துவிட்டு ஈரக்கையால் கைப்பேசியை சாா்ஜ் போட்டபோது மின்சாரம் பாய்ந்து நிகழ்விடத்திலேயே உயிரிழந்தாா்.

தகவலறிந்த தியாகதுருகம் போலீஸாா், சடலத்தை மீட்டு உடல்கூறாய்வுக்காக கள்ளக்குறிச்சி மாவட்ட அரசு மருத்துவக் கல்லூரி மருத்துவமனைக்கு அனுப்பி வைத்தனா்.

மேலும், இதுகுறித்த புகாரின்பேரில், தியாகதுருகம் போலீஸாா் வழக்குப் பதிந்து விசாரணை நடத்தி வருகின்றனா்.