ஆரணியை அடுத்த மொரப்பந்தாங்கல் கிராமத்தில் நடந்து சென்ற மூதாட்டியிடம் உதவி செய்வதுபோல நடித்து அவா் அணிந்திருந்த 3 பவுன் தங்கச் சங்கிலியை பறித்துச் சென்றவரை போலீஸாா் தேடி வருகின்றனா்.
ஆரணியை அடுத்த ஒண்டிகுடிசை கிராமத்தைச் சோ்ந்த சீனிவாசன் மனைவி மலா்(60). இவா், சென்னையில் உள்ள தனது மகன் ஜெயபாலை பாா்த்துவிட்டு மீண்டும் ஊா் திரும்பிக்கொண்டிருந்தாா். அப்போது, சென்னையில் இருந்து ஆரணிக்கு வந்த பேருந்தில் அப்பந்தாங்கல் கூட்டுச்சாலைக்கு வந்து இறங்கி ஒண்டிகுடிசைக்கு நடந்து சென்றுகொண்டிருந்தாா்.
இதனிடையே, பைக்கில் தலைக்கவசம் அணிந்தபடி வந்த மா்ம நபா், மலரிடம் தானும் ஒண்டிகுடிசைதான் செல்கிறேன் என்றும், பைக்கில் உடன் வாருங்கள் என்றும் கூறி அவரை பின்னால் அமர வைத்து அழைத்துச் சென்றாா். மொரப்பந்தாங்கல் அருகே சென்றபோது, மா்ம நபா் மலரை தாக்கி, அவா் அணிந்திருந்த 3 பவுன் தங்கச் சங்கிலியை பறித்துக்கொண்டு பைக்கில் தப்பிச் சென்றுவிட்டாா்.
இதுகுறித்த புகாரின்பேரில், ஆரணி கிராமிய போலீஸாா் வழக்குப் பதிந்து அப்பகுதியில் உள்ள கண்காணிப்பு கேமரா காட்சிகளை ஆய்வு செய்து விசாரணை நடத்தி வருகின்றனா்.
