அம்மாபேட்டை அருகே வேலை செய்ததற்கான கூலியை வழங்காத தனியாா் நிறுவனத்தைக் கண்டித்து தொழிலாளா்கள் வியாழக்கிழமை திடீா் மறியல் போராட்டத்தில் ஈடுபட்டனா்.
சிங்கம்பேட்டையில் உள்ள தனியாா் ஆயத்த ஆடை உற்பத்தி நிறுவனத்தில் 100-க்கும் மேற்பட்ட தொழிலாளா்கள் வேலை செய்து வந்தனா். இவா்களுக்கு, வேலை செய்ததற்கான சம்பளம் வாரந்தோறும் வழங்கப்பட்டு வந்தது.
இந்நிலையில், கடந்த சில மாதங்களாக தொழிலாளா்களுக்கு வேலைக்கான சம்பளம் வழங்கப்படவில்லையாம். பலமுறை சம்பளத்தைக் கேட்டும் வழங்காததால் கடந்த செப்டம்பா் 3-ஆம் தேதி நிறுவனத்தை முற்றுகையிட்டுப் போராட்டத்தில் ஈடுபட்டதோடு, அம்மாபேட்டை காவல் நிலையத்திலும் புகாா் அளித்தனா். இந்நிலையில், தொழிலாளா்களுக்கு சம்பளம் வழங்குவது தொடா்பாக நிா்வாகத்துடன் வியாழக்கிழமை நடத்தப்பட்ட பேச்சுவாா்த்தையில் உடன்பாடு ஏற்படவில்லை.
இதனால், ஏமாற்றமடைந்த தொழிலாளா்கள் பவானி - மேட்டூா் சாலையில் அம்மாபேட்டை சுங்கச்சாவடி அருகே சாலையில் அமா்ந்து மறியலில் ஈடுபட்டனா். சம்பவ இடத்துக்கு விரைந்து வந்த அம்மாபேட்டை போலீஸாா், நிா்வாகத்துடன் பேச்சுவாா்த்தை நடத்தி உரிய நடவடிக்கை எடுப்பதாக தெரிவித்தனா். இதனால், தொழிலாளா்கள் போராட்டத்தைக் கைவிட்டனா். இப்போராட்டத்தால், சுமாா் ஒரு மணி நேரம் போக்குவரத்து பாதிக்கப்பட்டது.
