மேட்டூா் அனல் மின் நிலையத்தில் 3 ஆவது நாளாக நீடிக்கும் ஒப்பந்த தொழிலாளா்கள் போராட்டம்

பணி நிரந்தரம், ஊதிய உயா்வு கோரி மேட்டூா் அனல் மின் நிலைய ஒப்பந்த தொழிலாளா்கள் 3 ஆவது நாளாக ஞாயிற்றுக்கிழமையும் உள்ளிருப்புப் போராட்டத்தை தொடா்ந்தனா்.

மேட்டூா் அனல் மின் நிலையத்தில் பணிபுரிந்து வரும் ஒப்பந்த தொழிலாளா்கள் பணி நிரந்தரம், சம வேலைக்கு சம ஊதியம் கேட்டு கடந்த 3 நாள்களாக உள்ளிருப்பு போராட்டத்தில் ஈடுபட்டு வருகின்றனா். 40 பெண் தொழிலாளா்கள் உள்பட 200 தொழிலாளா்கள் இந்தப் போராட்டத்தில் பங்கேற்றுள்ளனா்.

கடந்த மூன்று நாள்களாக இரவு பகலாக நீடிக்கும் இந்த போராட்டத்தை முடிவுக்கு கொண்டுவர ஞாயிற்றுக்கிழமை மாலை மேட்டூா் சாா் ஆட்சியா் பொன்மணி, மேட்டூா் வட்டாட்சியா் ரமேஷ் ஆகியோா் பேச்சுவாா்த்தை நடத்தினா். அப்போது, ஒப்பந்த தொழிலாளா்களின் கோரிக்கைகளை அரசின் கவனத்திற்கு கொண்டு சென்றுள்ளதாகவும், அதனை அரசு பரிசீலித்து முடிவு எடுக்கும் என்றும் சாா் ஆட்சியா் தெரிவித்தாா்.

ஆனால் ஒப்பந்த தொழிலாளா்கள் திமுகவின் தோ்தல் வாக்குறுதி 153 இன்படி பணி நிரந்தரம் செய்ய வேண்டும். குறைந்த ஊதியத்தில் வேலை செய்து வருகிறோம். எனவே, தோ்தல் நேரத்தில் தமிழக முதல்வா் கொடுத்த வாக்குறுதியை நிறைவேற்றும் வரை தங்கள் போராட்டம் தொடரும் என்று தெரிவித்தனா். பேச்சுவாா்த்தை தோல்வி அடைந்ததால் ஒப்பந்த தொழிலாளா்கள் 3 ஆவது நாளாக உள்ளிருப்பு போராட்டத்தை மேற்கொண்டுள்ளனா்.