மோகன்லாலின் துடரும் டிரைலர்!

நடிகர் மோகன்லாலின் துடரும் படத்தின் டிரைலர் வெளியாகியுள்ளது.

மலையாள சினிமாவில் சூப்பர் ஸ்டாராக இருப்பவர் நடிகர் மோகன்லால். அண்மையில், இவர் நடிப்பில் வெளியான பரோஸ் திரைப்படம் வரவேற்பைப் பெறவில்லை. இதற்கடுத்து பிருத்விராஜ் இயக்கத்தில் நடித்த எம்புரான் நாளை (மார்ச். 27) திரைக்கு வருகிறது.

இதற்கிடையே, ’சவுதி வெள்ளக்கா' பட இயக்குநர் தருண் மூர்த்தி இயக்கத்தில் நடிகர்கள் மோகன்லால் - ஷோபனா இருவரும் இணைந்து நடித்த 56-வது படமான ’துடரும்’ படத்தின் படப்பிடிப்பும் முடிவடைந்தது.

ஜேக்ஸ் பிஜாய் இசையமைத்த இப்படத்தின் முதல் பாடலான “கண்மணி பூவே” ரசிகர்களிடம் வரவேற்பைப் பெற்றது.

இந்த நிலையில், துடரும் படத்தின் டிரைலரை வெளியிட்டுள்ளனர். கார் ஓட்டுநரான மோகன்லால் தன் மனைவி குழந்தைகளுடன் எளிமையாக வாழ்ந்து வருகிறார். இந்த சூழலில் நாயகன் எதிர்கொள்ளும் பிரச்னையும் அதன் தீர்வுகளுமாக இப்படம் உருவாகியுள்ளது. நாயகியாக நடிகை ஷோபனா நடித்துள்ளார்.