செய்திகள் :

ரமலான் பண்டிகை: இஸ்லாமியா்கள் சிறப்புத் தொழுகை

post image

திருவண்ணாமலை/வந்தவாசி/ போளூா்/ செய்யாறு/ஆரணி : ரமலான் பண்டிகையையொட்டி, திருவண்ணாமலை மாவட்டத்தின் பல்வேறு பகுதிகளில் திங்கள்கிழமை நடைபெற்ற சிறப்புத் தொழுகையில், பல்லாயிரக்கணக்கான இஸ்லாமியா்கள் பங்கேற்றனா்.

திருவண்ணாமலையில்...:

மணலூா்பேட்டை சாலையில் உள்ள ஈத்கா மைதானத்தில் காலை 7 மணி முதல் 9 மணி வரை பல ஆயிரம் இஸ்லாமியா்கள் சிறப்புத் தொழுகையில் ஈடுபட்டனா். தொழுகை முடிந்து வெளியே வந்த இஸ்லாமியா்கள் ஒருவரை ஒருவா் கட்டித் தழுவி வாழ்த்துகளை தெரிவித்துக் கொண்டனா்.

இதேபோல, தொழுகை முடிந்து வெளியே வந்த தொழிலதிபா்கள் எம்.இ.ஜமாலுதீன், பஷீா்அகமது உள்ளிட்ட இஸ்லாமியா்களுக்கு சட்டப்பேரவை துணைத் தலைவா் கு.பிச்சாண்டி, திருவண்ணாமலை முன்னாள் நகா்மன்றத் தலைவா் இரா.ஸ்ரீதரன், திமுக மாநகரச் செயலா் ப.காா்த்திவேல்மாறன் மற்றும் திமுகவினா் ரமலான் வாழ்த்துகளை தெரிவித்தனா்.

இதேபோல, அவலூா்பேட்டை சாலையில் உள்ள ஈத்கா மைதானம், செங்கம் சாலையில் உள்ள பாவாஜி நகா் ஈத்கா மைதானம், மத்தலாங்குளத் தெருவில் உள்ள தா்கா ஆகிய இடங்களில் ரமலான் சிறப்புத் தொழுகை நடைபெற்றது.

கீழ்பென்னாத்தூா்:

கீழ்பென்னாத்தூா் புறவழிச் சாலையில் உள்ள ஈத்கா மைதானத்தில் மஸ்ஜிதே தையீப் பள்ளிவாசல் படேல் அத்தாவுல்லா தலைமையில் ஏராளமான இஸ்லாமியா்கள் சிறப்புத் தொழுகையில் ஈடுபட்டனா்.

வந்தவாசி

ரமலான் பண்டிகையையொட்டி, வந்தவாசி ஈத்கா மைதானத்தில் திங்கள்கிழமை சிறப்புத் தொழுகை நடைபெற்றது.

வந்தவாசி மற்றும் அதைச் சுற்றியுள்ள பகுதிகளைச் சோ்ந்த இஸ்லாமியா்கள் புத்தாடை அணிந்து தொழுகையில் பங்கேற்றனா்.

தொழுகை முடிந்தவுடன் ஒருவரையொருவா் கட்டித் தழுவி வாழ்த்துகளை தெரிவித்துக் கொண்டனா்.

மேலும், ஆரணி எம்பி எம்.எஸ்.தரணிவேந்தன், வந்தவாசி எம்எல்ஏ எஸ்.அம்பேத்குமாா் உள்ளிட்ட திமுகவினா் அங்கு வந்து இஸ்லாமியா்களுக்கு வாழ்த்து தெரிவித்தனா்.

போளூா்

போளூரில் ஈத்கா மைதானத்தில் இஸ்லாமியா்கள் ரமலான் பண்டிகையொட்டி, சிறப்புத் தொழுகையில் ஈடுபட்டனா்.

செய்யாறு

செய்யாறு வெங்கட்ராயன்பேட்டையில் உள்ள பெரிய பள்ளி வாசலில் இமாம் ஆதாம்பாட்சா தலைமையில் ரமலான் சிறப்புத் தொழுகை நடைபெற்றது.

இதில் ஆயிரத்துக்கும் மேற்பட்ட இஸ்லாமியா்கள் கலந்து கொண்டனா்.

புத்தாடை அணிந்து வந்த இஸ்லாமியா்கள் தொழுகை முடிந்ததும் ஒருவரையொருவா் ஆரத்தழுவி உற்சாகத்துடன் ரமலான் வாழ்த்துகளை பரிமாறிக் கொண்டனா்.

ஆரணி

ஆரணி சூரியகுளம் அருகேயுள்ள பென்ஷன் லைன் மஜீத்தில் முத்தவல்லி இ.சலீம்பேக் தலைமையில் சிறப்புத் தொழுகை நடைபெற்றது.

தொழுகை முடிந்து வெளியே வந்த இஸ்லாமியா்களிடம் திமுகவைச் சோ்ந்த முன்னாள் எம்எல்ஏ ஆா்.சிவானந்தம், தொகுதி பொறுப்பாளா் எஸ்.எஸ்.அன்பழகன், நகா்மன்றத் தலைவா் ஏ.சி.மணி, மாவட்டபொருளாளா் தட்சிணாமூா்த்தி, ஒன்றியச் செயலா்கள் மாமது, மோகன் ஆகியோா் ரமலான் வாழ்த்து தெரிவித்தனா்.

இதில், திமுக சுற்றுச்சூழல் அணி அமைப்பாளா் ஏ.எச்.இப்ராஹிம், நகா்மன்ற உறுப்பினா் மாலிக்பாஷா

உள்ளிட்டோா் கலந்து கொண்டனா்.

சேத்துப்பட்டில்...

சேத்துப்பட்டு பழம்பேட்டை பெரிய பள்ளிவாசலில் இருந்து இஸ்லாமியா்கள் காமராஜா் சிலை, போளூா் சாலை வழியாக நிா்மலா நகா் ஈத்கா மைதானத்துக்கு ஊா்வலமாகச் சென்று சிறப்புத் தொழுகை நடத்தினா்.

பின்னா், ஒருவரை ஒருவா் ஆரத் தழுவி ரமலான் வாழ்த்துகளை தெரிவித்துக் கொண்டனா்.

சேத்துப்பட்டு நகர திமுக செயலா் இரா. முருகன் கலந்து கொண்டு இஸ்லாமியா்களுக்கு ரமலான் வாழ்த்துகளை தெரிவித்தாா். பேரூராட்சி மன்ற உறுப்பினா்கள் சரவணன், முருகன், கதிரவன் ஆகியோா் கலந்து கொண்டனா்.

ரமலானையொட்டி வந்தவாசி ஈத்கா மைதானத்தில் நடைபெற்ற சிறப்புத் தொழுகை.
போளூா் ஈத்கா மைதானத்தில் சிறப்புத் தொழுகையில் ஈடுபட்ட இஸ்லாமியா்கள்.
செய்யாறு வெங்கட்ராயன்பேட்டை பெரிய பள்ளி வாசலில் தொழுகை முடிந்து ரமலான் வாழ்த்துகளை பரிமாறிக் கொண்ட இஸ்லாமியா்கள்.
சேத்துப்பட்டு நிா்மலா நகா் ஈத்கா சிறப்புத் தொழுகையில் ஈடுபட்ட இஸ்லாமியா்கள்.

விதி மீறல்: 14 ஆட்டோக்கள், 2 சரக்கு வாகனங்கள் பறிமுதல்

திருவண்ணாமலையில் விதிமுறைகளை மீறி இயக்கிய 14 ஆட்டோக்கள் மற்றும் 2 சரக்கு வாகனங்களை வட்டாரப் போக்குவரத்து அலுவலா்கள் புதன்கிழமை பறிமுதல் செய்தனா். திருவண்ணாமலை நகரில் பல ஆட்டோக்கள் விதிமுறைகளை மீறி இய... மேலும் பார்க்க

கொடிக் கம்பங்கள் அகற்ற ஆட்சியா் அறிவுறுத்தல்

பொது இடங்களில் உள்ள கொடிக் கம்பங்களை சம்பந்தபட்டவா்கள் தாங்களாகவே அகற்றிக் கொள்ள வேண்டும் என்று மாவட்ட ஆட்சியா் தா்ப்பகராஜ் அறிவுறுத்தினாா். தமிழகத்தில் தேசிய நெடுஞ்சாலை, மாநில நெடுஞ்சாலை மற்றும் உள்... மேலும் பார்க்க

பாஜகவினா் தண்ணீா் பந்தல் திறப்பு

ஆரணி - சேத்துப்பட்டு சாலையில் உள்ள சித்தேரி கிராமத்தில் புதன்கிழமை பாஜக சாா்பில் தண்ணீா் பந்தல் திறக்கப்பட்டது. ஆரணி சட்டப்பேரவைத் தொகுதி, வடக்கு மாவட்ட பாஜக சாா்பில் நடைபெற்ற இந்த நிகழ்ச்சியில் இளைஞ... மேலும் பார்க்க

சித்திரை பௌா்ணமி முன்னேற்பாடுகள்: மாவட்ட ஆட்சியா் ஆய்வு

திருவண்ணாமலை சித்திரை பௌா்ணமி முன்னேற்பாட்டுப் பணிகள் குறித்து, மாவட்ட ஆட்சியா் தா்ப்பகராஜ் அதிகாரிகளுடன் புதன்கிழமை ஆய்வு மேற்கொண்டாா். திருவண்ணாமலை அருணாசலேஸ்வரா் கோயில் சித்திரை பௌா்ணமி விழா மே 11... மேலும் பார்க்க

வில்வாரணி சிவசுப்பிரமணிய சுவாமி கோயில் பங்குனிப் பெருவிழா கொடியேற்றம்

கலசப்பாக்கத்தை அடுத்த வில்வாரணி நட்சத்திர கோயில் ஸ்ரீவள்ளி தேவசேனா சமேத சுயம்பு சிவசுப்பிரமணிய சுவாமி கோயியில் பங்குனி உத்திரப் பெருவிழா கொடியேற்றம் புதன்கிழமை நடைபெற்றது. வில்வாரணி கிராமத்தில் அமைந்... மேலும் பார்க்க

புதிய வீடுகள் கட்டித் தரக் கோரி பழங்குடியினா் தா்னா

வந்தவாசி அருகே புதிய வீடுகள் கட்டித் தரக் கோரி, பழங்குடி இருளா் சமுதாய மக்கள் தேசூா் பேரூராட்சி அலுவலகம் முன் புதன்கிழமை தா்னாவில் ஈடுபட்டனா். வந்தவாசியை அடுத்த தேசூா் ராஜீவ் காந்தி நகரில் சுமாா் 25-... மேலும் பார்க்க