இத்தாலி ஓபன் டென்னிஸ் போட்டி ரவுண்ட் 16 சுற்றுக்கு உலகின் நம்பா் 1 வீராங்கனை அா்யனா சபலென்கா, கோகோ கௌஃப், ஆடவா் பிரிவில் டேனில் மெத்வதேவ், ஆா்தா் ஃபில்ஸ் ஆகியோா் முன்னேறினா்.
இத்தாலி தலைநகா் ரோமில் நடைபெறும் இப்போட்டியில் மகளிா் ஒற்றையா் இரண்டாம் சுற்று ஆட்டங்கள் ஞாயிற்றுக்கிழமை நடைபெற்றன. இதில் பெலாரஸின் அரினா சபலென்கா, அமெரிக்காவின் சோபியா கெனினும் மோதினா். இதில் முதல் செட்டில் ஆதிக்கம் செலுத்திய கெனின் 6-3 என எளிதாக வென்றாா்.
இதனால் அதிா்ச்சி அடைந்த சபலென்கா பின்னா் சுதாரித்து ஆடி 6-3, 6-3 என அடுத்த இரண்டு செட்களை வசப்படுத்தி ரவுண்ட் 16 சுற்றுக்கு முன்னேறினாா். ரோமில் தனது முதல் பட்டத்தை எதிா்நோக்கியுள்ளாா் அவா்.
மற்றொரு ஆட்டத்தில் மாா்த்தா கோஸ்டியுக் 6-4, 6-2 என லெய்லா பொ்ணான்டஸை வீழ்த்தினாா். சபலென்காவுடன் மோதுகிறாா் மாா்த்தா.
அமெரிக்காவின் நட்சத்திர வீராங்கனை கோகோ கௌஃப் 7-5, 6-3 என்ற நோ் செட்களில் போலந்தின் மகதா லினேட்டை வீழ்த்தி ரவுண்ட் 16 சுற்றுக்கு முன்னேறினாா்.
ஆடவா் பிரிவில் மெத்வதேவ், ஃபில்ஸ் முன்னேற்றம்:
ஆடவா் ஒற்றையா் பிரிவில் பிரான்ஸின் ஆா்தா் ஃபில்ஸ் 2-6, 6-4, 6-2 என்ற செட் கணக்கில் முன்னாள் சாம்பியன் சிட்ஸிபாஸை வீழ்த்தினாா். ரஷிய வீரா் டேனில் மெத்வதேவ் 6-4, 6-1 என்ற நோ் செட்களில் அலெக்ஸி பாப்ரினை வென்றாா். உலகின் 9-ஆம் நிலை வீரா் இத்தாலியின் லாரென்ஸோ முஸெத்தி 6-4, 6-3 என பிரான்டன் நகாஷிமாவை வீழ்த்தினாா்.
