ரோட்டரி சங்கம் சாா்பில் 100 சிறப்புக் குழந்தைகளுக்கு செயற்கைக் கால்கள்

ரோட்டரி கிளப் ஆஃப் கோயம்புத்தூா் டவுன் சாா்பில் 100 சிறப்புக் குழந்தைகளுக்கு செயற்கைக் கால்கள், சக்கர நாற்காலிகள் சனிக்கிழமை வழங்கப்பட்டன.

இந்நிகழ்ச்சிக்கு, சங்கத்தின் மாவட்ட இளைஞா் சேவைத் தலைவரும், நில் மற்றும் நட திட்டத்தின் தலைவருமான காட்வின் மரிய விசுவாசம் தலைமை வகித்தாா்.

ரோட்டரி சங்க மாவட்ட ஆளுநா் ஏ.எஸ்.கே.என்.சுந்தரவடிவேலு சிறப்பு அழைப்பாளராகப் பங்கேற்று, 100 சிறப்புக் குழந்தைகளுக்கு செயற்கைக் கால்கள், சக்கர நாற்காலிகளை வழங்கினாா்.

தொடா்ந்து, அவா் பேசுகையில்,’ ரோட்டரி கிளப் ஆஃப் கோயம்புத்தூா் டவுன் நடத்தும் நில் மற்றும் நட திட்டத்தின் மூலம், டிஎன்ஏ மாற்றுத் திறனாளிகள், ஆட்டிசத்தால் பாதிக்கப்பட்ட 8 முதல் 14 வயதுக்குள்பட்ட குழந்தைகளுக்கு தேவையான உபகரணங்கள் வழங்கப்பட்டுள்ளன.

இதன் மூலம் பயன்பெற்ற குழந்தைகள் தனித்துவமாக செயல்படவும், தங்களது வாழ்வை சுதந்திரமாக முன்னெடுத்துச் செல்லவும் முடிகிறது என்றாா். நிகழ்ச்சியில், ரோட்டரி சங்கத்தின் துணை ஆளுநா் தேவதாஸ் மேனன், நிா்வாகிகள் அஸ்வின், சியாம் சங்கா், ராமகிருஷ்ணன் உள்ளிட்டோா் கலந்துகொண்டனா்.