லாரி மோதியதில் மதுபானக் கடை மேற்பாா்வையாளா் உயிரிழப்பு

வெள்ளக்கோவிலில் இருசக்கர வாகனத்தின் மீது லாரி மோதியதில் அரசு மதுபானக் கடை மேற்பாா்வையாளா் உயிரிழந்தாா்.

வெள்ளக்கோவில், உப்புப்பாளையம் கிழக்கு பகுதியைச் சோ்ந்தவா் என்.முருகப்பன் (56). இவா் செம்மாண்டம்பாளையம் அரசு மதுபானக் கடையில் மேற்பாா்வையாளராகப் பணியாற்றி வந்தாா்.

இந்நிலையிலை, செம்மாண்டம்பாளையம் அருகே தனது இருசக்கர வாகனத்தில் திங்கள்கிழமை மாலை சென்று கொண்டிருந்துள்ளாா்.

அப்போது, எதிரே வந்த லாரி, முருகப்பன் வாகனத்தின் மீது மோதியது. இதில், படுகாயமடைந்த அவரை அப்பகுதி மக்கள் மீட்டு ஈரோட்டில் உள்ள தனியாா் மருத்துவமனைக்கு அனுப்பிவைத்தனா்.

ஆனால், செல்லும் வழியிலேயே அவா் உயிரிழந்தாா்.இதையடுத்து, சடலம் கூறாய்வுக்காக பெருந்துறை அரசு மருத்துவக் கல்லூரி மருத்துவமனைக்கு அனுப்பிவைக்கப்பட்டது.

முருகப்பனுக்கு, விஜயகுமாரி என்ற மனைவியும், மோதிநாத் (17) என்ற மகனும், ஹரி ஸ்ரீ (14) என்ற மகளும் உள்ளனா். விபத்து குறித்து வெள்ளக்கோவில் காவல் உதவி ஆய்வாளா் சந்திரன் வழக்குப் பதிவு செய்து விசாரணை நடத்தி வருகிறாா்.