காங்கிரஸ் தலைவா்கள் மீது வழக்கு: மத்திய அரசுக்கு திமுக கண்டனம்!
ஆண்டிபட்டியில் வங்கி எ.டி.எம்.மையத்தில் பணம் எடுத்துத் தருவது போல நடித்து ஏ.டி.எம் அட்டையை அபகரித்து ரூ. ஒரு லட்சத்து 5 ஆயிரத்தை மோசடி செய்தவா் மீது போலீஸாா் வியாழக்கிழமை, வழக்குப் பதிவு செய்தனா்.
ஆண்டிபட்டி அருகே உள்ள தி.சுப்புலாபுரம், தி.புதூரைச் சோ்ந்தவா் சேகா் (44). இவா், வீடு கட்டுவதற்காக வங்கியில் கடன் பெற்றாா். கடன் தொகை தனது வங்கிக் கணக்கில் வரவு வைக்கப்பட்டதை தெரிந்து கொள்வதற்காக ஆண்டிபட்டியில் மதுரை சாலையில் உள்ள பாரத ஸ்டேட் வங்கி ஏ.டி.எம்.மையத்துக்குச் சென்றாா். அங்கு ஏ.டி.எம். எந்திரத்தை பயன்படுத்தத் தெரியாததால், பணம் எடுக்க வந்த ஒருவரிடம் தனது ஏ.டி.எம். அட்டையைக் கொடுத்து தனது வங்கிக் கணக்கில் பணம் வரவு வைக்கப்பட்டுள்ளதான என பாா்க்கச் சொன்னாராம்.
சேகரின் வங்கிக் கணக்கில் பணம் வரவு வைக்கப்பட்டுள்ளதாகக் கூறிய அந்த நபரிடம் தனக்கு ரூ.10 ஆயிரம் எடுத்துத் தருமாறு கூறினாா். அந்த நபா் சேகருக்கு ரூ.10 ஆயிரம் எடுத்துக் கொடுத்து விட்டு, அவரது ஏ.டி.எம். அட்டையை அபகரித்துக் கொண்டு அதற்குப் பதிலாக வேறு அட்டையைக் கொடுத்துவிட்டுச் சென்றாா்.
பின்னா், அந்த நபா் சேகரின் ஏ.டி.எம். அட்டையைப் பயன்படுத்தி தேனி அல்லிநகரத்தில் உள்ள ஏ.டி.எம் மையத்தில் ரூ.30 ஆயிரத்தை எடுத்தும், போடியில் உள்ள நகைக் கடையில் ரூ.75 ஆயிரத்துக்கு தங்க நகை வாங்கியும் மோசடி செய்தது தெரியவந்தது.
இதுகுறித்து ஆண்டிபட்டி போலீஸாா் வழக்குப் பதிந்து, மோசடியில் ஈடுபட்ட நபரைத் தேடி வருகின்றனா்.
