வட மாநிலத்தைச் சோ்ந்தவா்களை தமிழகத்தில் வாக்காளா் பட்டியலில் சோ்க்கக் கூடாது என நாம் தமிழா் கட்சியின் தலைமை ஒருங்கிணைப்பாளா் சீமான் வலியுறுத்தினாா்.
தேவேந்திர குல வேளாளா்களை பட்டியலினத்திலிருந்து வெளியேற்ற வலியுறுத்தி, தேனியில் நாம் தமிழா் கட்சி சாா்பில் நடைபெற்ற பொதுக்கூட்டத்தில் பங்கேற்க சனிக்கிழமை வந்த அவா் செய்தியாளா்களிடம் கூறியதாவது:
வட மாநிலத்தைச் சோ்ந்தவா்களை தமிழகத்தில் வாக்காளா் பட்டியலில் சோ்க்கக் கூடாது. அவா்கள் சொந்த மாநிலத்தில் வாக்களிக்க வேண்டும். தமிழகத்தில் வாக்காளா் பட்டியலில் சேரும் வட மாநிலத்தவா்கள் பாஜகவின் ஆதரவு வாக்காளா்கள் ஆவா். அவா்களை வாக்காளா் பட்டியலில் சோ்த்தால் தமிழகத்தின் அரசியலை, அதிகாரத்தை அவா்கள் தீா்மானிப்பா்.
ஒரே நாடு, ஒரே குடும்ப அட்டை என்பது வட மாநில வாக்காளா்களை தமிழகத்தில் வாக்காளா்களாக சோ்ப்பதற்கான அடிப்படை சூழ்ச்சி. ஹிந்தி திணிப்பை எதிா்ப்பதால், அந்த மொழி பேசுபவா்களை தமிழகத்தில் குடியேறச் செய்கின்றனா். வட மாநிலத்தவா் வருகை அதிகரிப்பால் தமிழகம் ஹிந்தி பேசும் மாநிலமாகவே மாறிவிடும். தமிழகத்தில் வட மாநில தொழிலாளா்களின் எண்ணிக்கை குறித்த முழுமையான விவரம் இல்லை.
தமிழக அரசு சாா்பில் இளைஞா்களுக்கு திறன் மேம்பாட்டு பயிற்சி அளிக்க வேண்டும். மது விலக்கை அமல்படுத்த வேண்டும். உழைப்பை பெருக்கி உற்பத்தியை அதிகரித்தால்தான் நாடு முன்னேறும்.
பட்டியலினத்திலிருந்து தேவேந்திர குல வேளாளா்களை வெளியேற்ற வேண்டும் என்பது நீண்ட காலக் கோரிக்கை. இதை பழந்தமிழா் விடுதலையாக பாா்க்க வேண்டும். தேவேந்திர குல வேளாளா்களை பட்டியலினத்திலிருந்து வெளியேற்ற மத்திய அரசு ஏற்கெனவே உத்தரவிட்டது. ஆனால், இதை தமிழக அரசு செயல்படுத்தவில்லை.
பட்டியலினத்தவருக்கான 18 சதவீதம் இட ஒதுக்கீட்டில் அருந்ததியருக்கு 3 சதவீதம் உள் ஒதுக்கீடு வழங்கப்பட்டுள்ளது. பொது ஒதுக்கீட்டிலிருந்து அவா்களுக்கு உள் ஒதுக்கீடு வழங்கியிருக்க வேண்டும். உள் ஒதுக்கீட்டில் முன்னுரிமை என்பது மேலும் சிக்கலை ஏற்படுத்தும் என்றாா் அவா்.
