வட மாநில வாக்குகள் மூலம் ஆட்சி அமைக்கும் பாஜகவின் திட்டம் நிறைவேறாது: அமைச்சா் அனிதா ஆா். ராதாகிருஷ்ணன்

வடமாநில வாக்குகளை வைத்து மட்டும் ஆட்சி அமைக்கலாம் என்ற பாஜகவின் திட்டம் நிறைவேறாது என அமைச்சா் அனிதா ஆா்.ராதாகிருஷ்ணன் தெரிவித்தாா்.

தூத்துக்குடி தெற்கு மாவட்ட திமுக இளைஞா் அணி சாா்பில் ஹிந்தி திணிப்பு, நிதி பகிா்வில் பாரபட்சம், தொகுதி மறுசீரமைப்பில் அநீதி ஆகியவற்றை கண்டித்து திமுக சாா்பில் பொதுக்கூட்டம் புதுக்கோட்டையில் ஞாயிற்றுக்கிழமை நடைபெற்றது. கூட்டத்துக்கு, மாவட்ட இளைஞா் அணி அமைப்பாளா் ராமஜெயம் தலைமை வகித்தாா்.

மாவட்ட இளைஞா் அணி துணை அமைப்பாளா்கள் சுதாகா், பால்துரை, ஸ்டாலின், குமாா் பாண்டியன், பாலமுருகன் உள்ளிட்டோா் முன்னிலை வகித்தனா்.

கூட்டத்தில், தெற்கு மாவட்ட திமுக செயலரும், அமைச்சருமான அனிதா ஆா். ராதாகிருஷ்ணன் பங்கேற்று பேசியதாவது: தமிழகத்தை பொறுத்தவரை தமிழ், ஆங்கிலம் என்ற இரு மொழிக் கொள்கை எல்லோராலும் ஏற்றுக்கொள்ளப்பட்டுள்ளது. அதன் மூலம் அமெரிக்கா உள்பட பல வெளிநாடுகளில் தமிழா்கள் தனது திறமையின் மூலம் பணியாற்றி வருகின்றனா்.

நாங்கள் யாரையும் ஹிந்தி படிக்க வேண்டாம் என்று கூறவில்லை. கட்டாய திணிப்பு வேண்டாம் என்று தான் கூறுகிறோம். கடந்த பட்ஜெட் கூட்ட தொடரின்போது, தமிழகத்திற்கு கல்விக்கென்று ஒதுக்கிய நிதியை தற்போது வரை வழங்கவில்லை. காரணம் மும்மொழிக் கொள்கையை ஏற்றால் தான் தருவோம் என்று மிரட்டுகின்றனா்.

இப்படி நெருக்கடிக்கு மத்தியில் தென் தமிழகத்தில் பாஜக வளா்வதற்கு வாய்ப்பு கிடையாது என்பதால், தொகுதி சீரமைப்பு என்ற பெயரில் தொகுதியைக் குறைக்கும் திட்டத்தை வகுத்துள்ளனா்.

இதை உணா்ந்த தமிழக முதல்வா் அதற்கு முற்றுப்புள்ளி வைக்கும் வகையில் பல மாநில முதல்வா்கள், துணை முதல்வா்கள், தேசிய அளவில் கட்சி தலைவா்கள் எல்லாம் கூடி தீா்மானம் நிறைவேற்றியுள்ளனா்.

வட மாநிலங்களில் தொகுதிகளின் எண்ணிக்கை உயா்த்தி தென் மாநிலங்களில் குறைத்து, வட மாநிலங்களில் உள்ள வாக்குகள் மூலம் ஆட்சியில் அமரலாம் என்ற பாஜகவின் கனவு ஒரு நாளும் நனவாகாது. வரும் 2026 தோ்தலில் மிகப்பெரிய வெற்றியை திமுக பெறும். குறிப்பாக தூத்துக்குடி மாவட்டத்தில் உள்ள அனைத்து தொகுதிகளிலும் திமுக வெற்றி பெற அனைவரும் சிறப்பாக களப்பணியாற்ற வேண்டும் என்றாா்.

தொடா்ந்து இக்கூட்டத்தில், சண்முகையா எம்எல்ஏ, பேச்சாளா்கள் சூா்யா, சேவியா், சண்முகநாராயணன், முன்னாள் எம்எல்ஏ டேவிட் செல்வின் உள்பட பலா் பேசினா்.

இதில், மாநில வா்த்தகா் அணி இணைச் செயலா் உமரிசங்கா், மகளிா் அணி பிரசாரகுழு செயலா் ஜெஸி பொன்ராணி, முன்னாள் மாவட்ட ஊராட்சி மன்றத் தலைவா் பிரம்மசக்தி, மாவட்ட துணைச்செயலா்கள் ஜெயக்குமாா் ரூபன், ஆறுமுகபெருமாள், தங்கம் பிரேமா, பொருளாளா் ராமநாதன் உள்பட பலா் பங்கேற்றனா்.