வரம் தரும் வாரம்!

தினமணி ஜோதிடர் கே.சி.எஸ் ஐயர் இந்த வார (நவம்பர் 8 - 14) பலன்களைத் துல்லியமாக நமக்குக் கணித்து வழங்கியுள்ளார். படித்துப் பயன் பெறுங்கள்.

மேஷம் (அசுவினி, பரணி, கார்த்திகை முதல் பாதம் முடிய)

குடும்பத்தில் மகிழ்ச்சி நிறையும். பிரிந்திருந்த உறவினர்கள் மீண்டும் ஒன்றுசேர்வார்கள். வெளியூரில் இருந்து நல்ல செய்திகள் வந்துசேரும். உடல் ஆரோக்கியத்தில் கவனம் செலுத்துவீர்கள்.

உத்தியோகஸ்தர்களின் பணவரவுக்கு தடை இருக்காது. வியாபாரிகள் புதிய முயற்சிகளில் வெற்றி அடைவீர்கள். விவசாயிகளுக்கு மகசூல் பெருகும். அரசியல்வாதிகள் முழு வேகத்துடன் ஈடுபடுவீர்கள்.

கலைத் துறையினருக்குப் பாராட்டு கிடைக்கும். பெண்களுக்கு கணவரின் ஆதரவு கிடைக்கும். மாணவர்கள் பெற்றோரின் பேச்சை கேட்பீர்கள்.

சந்திராஷ்டமம் - இல்லை.

ரிஷபம் (கார்த்திகை 2-ம் பாதம் முதல் ரோகிணி, மிருகசீரிஷம் 2-ம் பாதம் முடிய)

தெய்வ பலம் கூடும். சுய முயற்சி, புத்திசாலித்தனத்தால் கடினமான காரியங்களிலும் சாதிப்பீர்கள். வழக்குகளில் சாதகமான திருப்பங்கள் உண்டாகும். போட்டிகளைச் சமாளிப்பீர்கள்.

உத்தியோகஸ்தர்கள் புதிய முயற்சிகளைச் செயல்படுத்துவீர்கள். வியாபாரிகள் சிறிய முதலீடுகளில் ஈடுபடலாம். விவசாயிகளுக்கு நல்ல லாபம் கிடைக்கும்.

அரசியல்வாதிகள் தொண்டர்களிடம் கவனமாக இருக்கவும். கலைத் துறையினருக்கு புதிய ஒப்பந்தங்கள் கிடைக்கும். பெண்கள் குடும்ப அமைதியைக் காப்பீர்கள். மாணவர்கள் விளையாட்டில் கவனம் செலுத்துவீர்கள்.

சந்திராஷ்டமம் - இல்லை.

மிதுனம் (மிருகசீரிஷம் 3ம் பாதம் முதல் திருவாதிரை,புனர்பூசம் 3-ம் பாதம் முடிய)

வசதி வாய்ப்புகள் பெருகும். சுப செலவுகளைச் செய்து மகிழ்வீர்கள். குடும்பத்தினரிடம் ஒற்றுமை மேம்படும். பயணங்களால் அனுகூலம் உண்டாகும்.

உத்தியோகஸ்தர்கள் சில பிரச்னைகளை சந்திப்பீர்கள். வியாபாரிகளுக்கு மறைமுக எதிர்ப்புகள் தோன்றி மறையும். விவசாயிகள் புதிய குத்தகைகளை எடுப்பீர்கள்.

அரசியல்வாதிகளுக்கு சமூகத்தில் அந்தஸ்து உயரும். கலைத் துறையினருக்கு புதிய ஒப்பந்தங்கள் கிடைக்கும். பெண்கள் ஆடை, அணிகலன்களை வாங்கி மகிழ்வீர்கள். மாணவர்கள் நண்பர்களுடன் சுற்றுலா சென்று வருவீர்கள்.

சந்திராஷ்டமம் - நவம்பர் 8, 9.

கடகம் (புனர்பூசம் 4-ம் பாதம் முதல் பூசம், ஆயில்யம் முடிய)

தடைபட்ட காரியங்கள் நடக்கும். சோதனைகள் ஏற்பட்டு விலகும். பிரச்னைகளை சாதுர்யமாக சமாளிப்பீர்கள். சிலருக்கு வீடு, தொழில் மாற்றம் ஏற்படும்.

உத்தியோகஸ்தர்கள் பிறரிடம் கவனமாக இருப்பீர்கள். வியாபாரிகள் கொடுக்கல்} வாங்கலில் கவனத்துடன் இருப்பீர்கள். விவசாயிகளுக்கு மகசூல் லாபம் சீராக இருக்கும்.

அரசியல்வாதிகளுக்கு புதிய பதவிகள் கிடைக்கும். கலைத் துறையினருக்கு சக கலைஞர்களால் வாய்ப்புகள் தேடிவரும். பெண்கள் சுபநிகழ்ச்சிகளை நடத்துவீர்கள். மாணவர்கள் கவனத்துடன் இருக்கவும்.

சந்திராஷ்டமம் - நவம்பர் 10, 11.

சிம்மம் (மகம், பூரம், உத்திரம் முதல் பாதம் முடிய)

நன்மைகளை அடைவீர்கள். பயணங்களால் பலன் கிடைக்கும். தொல்லை அளித்தவர்கள் அடங்கிவிடுவார்கள். குடும்பத்தில் மகிழ்ச்சி நிறையும்.

உத்தியோகஸ்தர்கள் மேலதிகாரிகளின் பாராட்டினால் உற்சாகமடைவீர்கள். வியாபாரிகள் வீண் செலவுகளைக் குறைப்பீர்கள். விவசாயிகள் திட்டமிட்ட வேலைகளைச் செய்வீர்கள்.

அரசியல்வாதிகளுக்கு கட்சியில் பொறுப்பு அதிகரிக்கும். கலைத் துறையினர் திறமைகளை வெளிப்படுத்துவீர்கள். பெண்கள் கணவருடன் அன்புடன் இருப்பீர்கள். மாணவர்கள் யோகா கற்பீர்கள்.

சந்திராஷ்டமம் - நவம்பர் 12, 13.

கன்னி (உத்திரம் 2-ம் பாதம் முதல் அஸ்தம், சித்திரை 2-ம் பாதம் முடிய)

சமூகத்தில் அந்தஸ்து உயரும். உடனிருப்போர் பேச்சை தட்ட மாட்டார்கள். ஆன்மிக நாட்டம் அதிகரிக்கும். புதிய வீடு முயற்சிகள் பலனளிக்கும்.

உத்தியோகஸ்தர்களிடம் சக ஊழியர்களும், மேலதிகாரிகளும் சகஜமாக பழகுவார்கள். வியாபாரிகள் புதிய சந்தைகளை நாடிச் செல்வீர்கள். விவசாயிகள் கால்நடைகளால் லாபம் அடைவீர்கள்.

அரசியல்வாதிகள் மேலிட உத்தரவை நிறைவேற்றுவீர்கள். கலைத் துறையினர் புதிய ஒப்பந்தங்களில் கையொப்பமிடுவீர்கள். பெண்கள் குடும்பத்துடன் சுற்றுலா செல்வீர்கள். மாணவர்

களின் கோரிக்கைகள் நிறைவேறும்.

சந்திராஷ்டமம் - நவம்பர் 14.

துலாம் (சித்திரை 3-ம் பாதம் முதல் சுவாதி, விசாகம் 3-ம் பாதம்

துணிவோடும் பொறுமையோடும் விடாமுயற்சியோடும் காரியங்களை தொடங்குவீர்கள். பொருளாதாரம் உயரும். குடும்பத்தினரை அனுசரித்து நடப்பீர்கள். சமுதாயத்தில் பெயரும் புகழும் உயரும்.

உத்தியோகஸ்தர்களின் பணவரவுக்கு தடை இருக்காது. வியாபாரிகளுக்கு நல்ல லாபம் கிடைக்கும். விவசாயிகள் புதிய குத்தகைகளை எடுப்பீர்கள்.

அரசியல்வாதிகள் புதிய பதவிகளை ஏற்பீர்கள். கலைத் துறையினருக்கு சக கலைஞர்கள் உதவுவார்கள். பெண்கள் பேசும்போது எச்சரிக்கையுடன் இருக்கவும். மாணவர்கள் படிப்பில் கவனம் தேவை.

சந்திராஷ்டமம் - இல்லை.

விருச்சிகம் (விசாகம் 4-ம் பாதம் முதல் அனுஷம், கேட்டை முடிய)

தொழிலில் தடை ஏற்பட்டாலும் முறியடிப்பீர்கள். உடல் ஆரோக்கியம் சீர்படும். எவருக்கும் கடன் வாங்கித் தர வேண்டாம். பெற்றோர் ஆதரவாக இருப்பார்கள்.

உத்தியோகஸ்தர்கள் திட்டமிட்ட வேலைகளை முடிப்பீர்கள். வியாபாரிகளுக்கு நல்ல லாபம் கிடைக்கும். விவசாயிகளுக்கு பழைய குத்தகை பாக்கி வசூலாகும்.

அரசியல்வாதிகள் கவனத்துடன் செயல்படவும். கலைத் துறையினரின் திறமைகள் பளிச்சிடும். பெண்கள் உறவினர்கள் வருகையால் மகிழ்வீர்கள். மாணவர்கள் அதிக மதிப்பெண்களைப் பெற முயற்சிப்பீர்கள்.

சந்திராஷ்டமம் - இல்லை.

தனுசு (மூலம், பூராடம், உத்திராடம் முதல் பாதம் முடிய)

ஆன்மிக ஈடுபாடு அதிகரிக்கும். பணநடமாட்டம் கூடும். அரசிடம் எதிர்பார்த்த காரியங்கள் நடக்கும். வழக்குகளில் சாதகமான மாற்றம் கிடைக்கும்.

உத்தியோகஸ்தர்களுக்கு பதவி உயர்வும், பணியிட மாற்றமும் கிடைக்கும். வியாபாரிகள் புதிய முயற்சிகளில் வெற்றி பெறுவீர்கள். விவசாயிகளுக்கு தானியங்களால் லாபம் கிடைக்கும்.

அரசியல்வாதிகளுக்கு செல்வாக்கும் மதிப்பும் உயரும். கலைத் துறையினரின் திறமைகள் பளிச்சிடும். பெண்களுக்கு உறவினர்களின் அன்பு மேலோங்கும். மாணவர்கள் வெற்றிப் படிகளில் உயர்வு அடைவீர்கள்.

சந்திராஷ்டமம் - இல்லை.

மகரம் (உத்திராடம் 2-ம் பாதம் முதல் திருவோணம், அவிட்டம் 2-ம் பாதம் முடிய)

நீண்டகால எண்ணங்கள் நிறைவேறும். உடனிருப்போர் ஆதரவாக இருப்பார்கள். முயற்சிகளில் தீவிரம் அதிகரிக்கும். நேர்மையாக நடப்பீர்கள்.

உத்தியோகஸ்தர்கள் ரகசியங்களைக் காப்பீர்கள். வியாபாரிகள் புதிய நண்பர்களுடன் காரியமாற்றுவீர்கள். விவசாயிகள் கால்நடைகளைப் பராமரிப்பீர்கள்.

அரசியல்வாதிகள் எதிரிகளிடம் நிதானமாகப் பேசுவீர்கள். கலைத்துறையினருக்கு துறையில் ஈடுபாடு அதிகரிக்கும். பெண்கள் குடும்பத்தினரோடு விட்டுக் கொடுத்து நடப்பீர்கள். மாணவர்கள் பெற்றோர் ஆதரவில் நன்மை அடைவீர்கள்.

சந்திராஷ்டமம் - இல்லை.

கும்பம் (அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய)

பொருளாதாரத்தில் சுபிட்சமான நிலையைக் காண்பீர்கள். முயற்சிகள் நல்ல பலன்களைத் தரும். உடல் ஆரோக்கியம், மன வளம் சிறப்பாக இருக்கும். அறிவாற்றல், திறமைகள் பளிச்சிடும்.

உத்தியோகஸ்தர்கள் பிரச்னைகளைச் சாதுர்யமாகச் சமாளிப்பீர்கள். வியாபாரிகளுக்கு வருமானம் பெருகும். விவசாயிகளுக்கு மகசூல் நன்கு கிடைக்கும்.

அரசியல்வாதிகள் எதிரிகளைச் சமாளிப்பீர்கள். கலைத் துறையினர் கையிருப்புப் பொருள்களைப் பாதுகாப்பாக வைப்பீர்கள். பெண்களுக்கு மகிழ்ச்சி உண்டாகும். மாணவர்கள் யோகா கற்பீர்கள்.

சந்திராஷ்டமம் - இல்லை.

மீனம் (பூரட்டாதி 4-ம் பாதம் முதல் உத்திரட்டாதி, ரேவதி முடிய)

சமூகத்தில் முக்கிய அந்தஸ்து கிடைக்கும். திறமைகள் உலகுக்குத் தெரியவரும். மற்றவர்களின் பாராட்டு மழையில் நனைவீர்கள். தொழிலில் மேன்மை உண்டாகும்.

உத்தியோகஸ்தர்கள் கவனமாக இருக்கவும். வியாபாரிகள் கடையைச் சீரமைப்பீர்கள். விவசாயிகளுக்கு மகசூல் லாபம் கிடைக்கும்.

அரசியல்வாதிகள் எதிரிகளை அடையாளம் காண்பீர்கள். கலைத் துறையினருக்கு புதிய ஒப்பந்தங்கள் கிடைக்கும். பெண்கள் குடும்பத்தினரின் ஆரோக்கியத்தில் கவனம் செலுத்துவீர்கள். மாணவர்கள் விளையாட்டில் வெற்றிகளைப் பெறுவீர்கள்.

சந்திராஷ்டமம் - இல்லை.