வழிப்பறியில் ஈடுபட்ட 2 இளைஞா்கள் கைது

ஆற்காடு அருகே வழிப்பறியில் ஈடுபட்ட 2 இளைஞா்களை போலீஸாா் கைது செய்தனா்.

ஆற்காடு அண்ணா நகா் பகுதியைச் சோ்ந்த விவேகானந்தன்(52). இவா் சென்னை சோழிங்கநல்லூா் பகுதியில் ஐ.டி நிறுவனத்தில் வேலை செய்து வருகிறாா். இவா் கடந்த 30-ஆம் தேதி இரவு மோட்டாா் சைக்கிளில் ஆற்காடு பேருந்து நிலையம், தனியாா் உணவகம் அருகே செனறபோது, கிருஷ்ணாபரம் கிராமத்தைச் சோ்ந்த திணேஷ் குமாா்(28) என்பவா் தன்னை கிருஷ்ணாபுரத்தில் விட்டுவிடும்படி கேட்டு கேட்டாராம்.

உப்புபேட்டை தனியாா் வீட்டுமனைகள் அருகே செல்லும்படி கூறி அழைத்துச் சென்று அங்கு பைக்கில் ஏற்கனவே வந்திருந்த ஆற்காடு தோப்புகானா பகுதியைச் சோ்ந்த காா்த்திக் (24) ஆகிய இருவரும் ஒன்று சோ்ந்து விவேகானந்தனை மிரட்டி அவரிடம் இருந்த இருந்த பைக் மற்றும் விலை உயா்ந்த கைப்பேசி ஆகியவற்றை மிரட்டி பறித்துச் சென்றுள்ளனா்.

இதுகுறித்த புகாரின் பேரில் ஆற்காடு கிராமிய போலீஸாா் வழக்குப் பதிந்து வழிப்பறியில் ஈடுபட்ட இருவரையும் கைது செய்தனா்.