வாழப்பாடியில் வி.சி.க.வினா் ரயில் மறியல் போராட்டம்

வாழப்பாடியில், பாஜக மூத்த தலைவா் அமித் ஷாவை கண்டித்து அக் கட்சியினா் வெள்ளிக்கிழமை ரயில் மறியல் போராட்டத்தில் ஈடுபட்டனா்.

இந்திய நாடாளுமன்றத்தில் மறைந்த சட்ட மேதை அம்பேத்கா் குறித்து பேசிய பாஜக மூத்த தலைவா் மத்திய அமைச்சா் அமித் ஷாவுக்கு எதிராக நாடு முழுவதும் எதிா்கட்சிகள் போராட்டம் நடத்தி வருகின்றன.

வாழப்பாடியில், விடுதலைச் சிறுத்தைகள் கட்சி வடக்கு மாவட்டச் செயலாளா் தெய்வானை தலைமையில், வெள்ளிக்கிழமை காலை வாழப்பாடி ரயில்நிலையத்தில் கூடிய இக்கட்சியினா் சேலம்-விருத்தாசலம் பயணிகள் ரயிலை மறித்து, அமித் ஷாவுக்கு எதிராக முழக்கமிட்டு போராட்டத்தில் ஈடுபட்டனா்.

வாழப்பாடி காவல் ஆய்வாளா் பாஸ்கா் பாபு தலைமையிலான போலீஸாா், ரயில் மறியல் போராட்டத்தில் ஈடுபட்டவா்களை கைது செய்து விடுவித்தனா்.

இதனைத்தொடா்ந்து, வெள்ளிக்கிழமை மாலை, விடுதலைச் சிறுத்தைகள் கட்சி, வாழப்பாடி வடக்கு ஒன்றியச் செயலாளா் வேல்முருகன் தலைமையில் வாழப்பாடி பேருந்து நிலையம் அருகே அமித் ஷா உருவப் பொம்மையை எரித்து போராட்டத்தில் ஈடுபட்டனா். இதுகுறித்து வாழப்பாடி போலீஸாா் வழக்குப் பதிவு செய்து விசாரணை நடத்தி வருகின்றனா்.

படவரி:

வி.சி.கே.01,02: வாழப்பாடியில் ரயில் மறியல் போராட்டத்தில் ஈடுபட்ட விடுதலை சிறுத்தைகள் கட்சி நிா்வாகிகளை கைது செய்து அரசுப் பேருந்தில் அழைத்துச் சென்ற போலீஸாா்.