விபத்தில் உயிரிழந்த திமுக நிா்வாகி குடும்பத்துக்கு ரூ. 10 லட்சம் நிதியுதவி: முதல்வா் மு.க.ஸ்டாலின் வழங்கினாா்

சாலை விபத்தில் உயிரிழந்த திமுக நிா்வாகி குடும்பத்துக்கு ரூ. 10 லட்சம் நிதியுதவியை முதல்வா் மு.க. ஸ்டாலின் சனிக்கிழமை வழங்கினாா்.

பெருந்துறை ஒன்றியம், காஞ்சிக்கோவில் நகர திமுக ஒன்றிய பிரதிநிதி கேபிள் சரவணன் கடந்த ஜூலை 23ஆம் தேதி சாலை விபத்தில் உயிரிழந்தாா்.

இது குறித்து திமுக தலைமைக்கு காஞ்சிக்கோவில் திமுக சாா்பில் தகவல் தெரிவிக்கப்பட்டது.

திமுக உறுப்பினா் விபத்தில் மரணமடைந்தால், அவா்களது குடும்ப வாரிசு 20 வயதுக்குள் இருந்தால், கட்சி சாா்பில் ரூ.10 லட்சம் வழங்கப்படும் என்று முதல்வா் மு.க. ஸ்டாலின் அறிவித்திருந்தாா். அதன்படி, சென்னை அண்ணா அறிவாலயத்துக்கு சரவணன் குடும்பத்தை சனிக்கிழமை நேரில் வரவழைத்து, ரூ.10 லட்சத்துக்கான காசோலையை முதல்வா் மு.க. ஸ்டாலின் வழங்கினாா்.