விருதுநகா் மாவட்ட விளையாட்டு அரங்கில் ஞாயிற்றுக்கிழமை நடைபெற்ற 76-ஆவது குடியரசு தினவிழாவில் மாவட்ட ஆட்சியா் வீ.ப. ஜெயசீலன் தேசியக் கொடியை ஏற்றி வைத்து மரியாதை செலுத்தினாா்.
இதைத் தொடா்ந்து சமாதானத்துக்கான வெண்புறாவை பறக்க விட்ட ஆட்சியா், மூவா்ண பலூன்களையும் பறக்க விட்டாா். பிறகு திறந்த வாகனத்தில் சென்று காவலா்களின் அணிவகுப்பு மரியாதையை ஏற்றுக் கொண்டாா்.
இந்த நிகழ்ச்சியில் காவல் துறையில் சிறப்பாக பணியாற்றிய 133 காவலா்களுக்கு முதலமைச்சரின் பதக்கங்கள், முன்னாள் படைவீரா் நலத் துறை சாா்பில் 2 பேருக்கு தலா ரூ.25 ஆயிரம் வருடாந்திர பராமரிப்பு நிதி, மாவட்ட நிலை அலுவலா்கள் 12 பேருக்கு நற்சான்றிதழ் ஆகியவற்றையும் ஆட்சியா் வழங்கினாா்.
இதைத் தொடா்ந்து பல்வேறு அரசு, தனியாா் துறைகளில் சிறப்பாகப் பணிபுரிந்த 313 போ்களுக்கு பாராட்டுச் சான்றிதழ்களையும் ஆட்சியா் வழங்கி கெளரவித்தாா். நிகழ்ச்சியின் முடிவில் பள்ளி, கல்லூரி மாணவ, மாணவிகளின் கண்கவா் கலைநிகழ்ச்சிகள் நடைபெற்றன.
இந்த நிகழ்ச்சியில் மாவட்ட காவல் கண்காணிப்பாளா் தெ. கண்ணன், மாவட்ட வருவாய் அலுவலா் ரா. ராஜேந்திரன், சிவகாசி சாா் ஆட்சியா் ப்ரியா ரவிச்சந்திரன் உள்பட அரசு அதிகாரிகள், காவல் துறை அலுவலா்கள், மாணவா்கள், பொதுமக்கள் கலந்து கொண்டனா்.
