மின்சாரம் தாக்கி பலியானவர் குடும்பத்துக்கு ரூ. 5 லட்சம் வழங்கல்!
கடலூா் மாவட்டம், விருத்தாசலத்தில் மழை பாதித்த பகுதிகளில் மாநில தொழிலாளா் நலன் மற்றும் திறன் மேம்பாட்டுத் துறை அமைச்சா் சி.வெ.கணேசன் ஞாயிற்றுக்கிழமை நேரில் பாா்வையிட்டு ஆய்வு மேற்கொண்டாா்.
விருத்தாசலம் பகுதியில் மழை பாதிப்புகள் குறித்து அமைச்சா் சி.வெ.கணேசன் ஆய்வு மேற்கொண்டாா். விருத்தாசலம் வட்டாட்சியா் அலுவலகத்தில் அமைச்சா் ஆய்வு மேற்கொண்டு வட்டாட்சியா் உதயகுமாரிடம் மழை பாதிப்புகள் மற்றும் பாதுகாப்பு நடவடிக்கை விவரங்கள் குறித்து கேட்டறிந்தாா்.
பின்னா், வயலூா், செம்பளகுறிச்சி ரயில்வே சுரங்கப் பாதை பகுதியில் தேங்கிய மழை நீரை அகற்ற அதிகாரிகளுக்கு உத்தரவிட்டாா்.
பாலக்கரையில் உள்ள அம்மா உணவகத்தில் இலவச உணவு வழங்குவதை தொடங்கி வைத்து, மழையால் பாதிக்கப்பட்டவா்களுக்கு ஆறுதல் கூறினாா். பூதாமூா் நகா்ப்புற ஆரம்ப சுகாதார நிலையத்திற்கு சென்றவா் அவசர சிகிச்சைக்கு வரும் பொதுமக்களுக்கு மருத்துவ உதவிகளை வழங்கும்படி மருத்துவா்களிடம் கேட்டுக் கொண்டாா்.
மருத்துவமனையில் நோயாளிகளுக்கு ரொட்டி, பிஸ்கட் உள்ளிட்டவற்றை வழங்கினாா். ஆலிச்சிக்குடி ரோடு கழிவுநீா் கால்வாய் சுத்தப்படுத்தும் பணியை பாா்வையிட்டு மழைநீா் தேங்காதவாறு கழிவு நீா் கால்வாய்களை தூா்வார வேண்டும் என அதிகாரிகளுக்கு உத்தரவிட்டாா்.
இதில், விருத்தாசலம் நகரச் செயலா் தண்டபாணி, நகா் மன்றத் தலைவா் சங்கவி முருகதாஸ், கோட்டாட்சியா் சையத் மெக்மூத், தாசில்தாா் உதயகுமாா், ஒன்றியக் குழுத் தலைவா் மலா்முருகன் உடனிருந்தனா்.
