விழுப்புரம் மத்திய மாவட்ட திமுக சாா்பில் புதிய பேருந்து நிலையம் எதிரே நீா்மோா் பந்தல் வெள்ளிக்கிழமை திறக்கப்பட்டது.
நிகழ்வுக்கு மாவட்டப் பொறுப்பாளரும், எம்.எல்.ஏ.வுமான இரா.லட்சுமணன் தலைமை வகித்தாா். முன்னாள் எம்.எல்.ஏ. செ.புஷ்பராஜ், மாவட்ட திமுக பொருளாளா் இரா.ஜனகராஜ் முன்னிலை வகித்தனா்.
விழுப்புரம் மண்டல பொறுப்பாளரும், மாநில வேளாண் மற்றும் உழவா் நலத்துறை அமைச்சருமான எம்.ஆா்.கே. பன்னீா்செல்வம் தலைமை வகித்து, நீா்மோா் பந்தலைத் திறந்துவைத்தாா். தொடா்ந்து தா்பூசணி, வெள்ளரி உள்ளிட்ட பழங்களையும், பழச்சாறுகளையும் தூய்மைப் பணியாளா்கள், பொதுமக்கள் உள்ளிட்டோருக்கு வழங்கினா்.
நிகழ்வில் ஒன்றியச் செயலா்கள் தெய்வசிகாமணி, பிரபாகரன், செல்வமணி, பிரபாகரன், ராஜீ, பேரூா் கழகச் செயலா் ஜீவா, நகர இளைஞரணி அமைப்பாளா் செ.மணிகண்டன், நகா்மன்றத் தலைவா் தமிழ்ச்செல்வி பிரபு, நகா்மன்ற உறுப்பினா்கள் ஆா்.மணவாளவன், சாந்தராஜ், புருஷோத்தமன், ஜனனி தங்கம், மணி, மாவட்ட தகவல் தொழில்நுட்ப அணி அமைப்பாளா் அன்பரசு உள்ளிட்டோா் பங்கேற்றனா்.
இதைத் தொடா்ந்து திமுக அரசின் நான்காண்டு சாதனைகளை விளக்கும் கையேடுகளையும் அமைச்சா், எம்.எல்.ஏ. ஆகியோா் வழங்கினா்.
