ஆடையூா் மற்றும் தேவனாம்பட்டு ஏரிப் பகுதிகளில் நீா்பாசனக் கிணறுகள் சீரழிவதை பாதுகாக்கவேண்டும் என்பன உள்ளிட்ட 7 அம்சக் கோரிக்கைகளை வலியுறுத்தி
திருவண்ணாமலையில் தமிழ்நாடு விவசாயிகள் சங்கத்தினா்
வெள்ளிக்கிழமை கண்டன ஆா்ப்பாட்டத்தில் ஈடுபட்டனா்.
மாவட்ட ஆட்சியரகம் அருகே நடைபெற்ற ஆா்ப்பாட்டத்துக்குக சங்கத்தின் மாவட்டத் தலைவா் டி.கே.வெங்கடேசன் தலைமை வகித்தாா்.
மாா்க்சிஸ்ட் கம்யூனிஸ்ட் மாநிலக்குழு எம்.சிவக்குமாா், சிஐடியு மாவட்ட துணைத் தலைவா் எம்.வீரபத்திரன் ஆகியோா் கண்டன உரையாற்றினா்.
மாநில துணைத் தலைவா் த.ரவீந்திரன் ஆா்ப்பாட்டம் நோக்கம் குறித்துப் பேசினாா்.
புனல்காடு, மூலக்குன்று மலைப் பகுதியில் குப்பை கொட்டுவதை நிறுத்த வேண்டும், ஆடையூா் மற்றும் தேவனாம்பட்டு ஏரிப் பகுதிகளில் நீா்ப்பாசனக் கிணறுகள் சீரழிவதை பாதுகாக்க வேண்டும், இயற்கையான குடிநீா் சுகாதாரச் சீா்கேடு அடைவதை தடுத்து நிறுத்த வேண்டும், நீா்வளம் ஆதாரம் கெடுவதையும், சுற்றுச்சூழல் சீா்கேடு அடைவதை தடுக்க வேண்டும், மண் மலையும், வனத்தையும் சீரழிவதை தடுக்க வேண்டும், மலையை உடைத்து பெருமளவு மண்ணை கொள்ளை அடிப்பவா்களை சிறையில் அடைக்க வேண்டும், மலையை அழித்து கனிம வளங்களை கொள்ளையடிக்க துணை போகும் அதிகாரிகள் மீது உரிய நடவடிக்கை எடுக்க வேண்டும் என்பன உள்ளிட்ட
கோரிக்கைகளை வலியுறுத்தி, விவசாய சங்கப் பிரதிநிதிகள் விவசாயிகள் முழக்கங்களை எழுப்பினா்.
ஆா்ப்பாட்டத்தில் நூற்றுக்கும் மேற்பட்ட விவசாயிகள் கலந்து கொண்டனா். மாவட்டப் பொருளாளா் எஸ்.அருண்குமாா் நன்றி கூறினாா்.
