வந்தவாசியில் வீட்டின் பூட்டை உடைத்து நகை திருடிய 3 பேரை புதன்கிழமை போலீஸாா் கைது செய்தனா்.
வந்தவாசி நடேசன் நகரைச் சோ்ந்தவா் பழனி. அண்மையில் இவரது வீட்டின் பூட்டை உடைத்து உள்ளே நுழைந்த மா்ம நபா்கள் 35 பவுன் தங்க நகைகளை திருடிச் சென்றனா். இதேபோல, கம்பன் நகரைச் சோ்ந்த ராஜன்பாபு வீட்டின் பூட்டை உடைத்து ரூ.25 ஆயிரம் ரொக்கத்தை திருடிக் சென்றனா்.
இதுகுறித்து புகாா்களின் பேரில்
பொன்னூா் போலீஸாா் வழக்குப் பதிந்து, கண்காணிப்பு கேமரா பதிவுகளை ஆய்வு செய்து தீவிர விசாரணை மேற்கொண்டனா்.
இதில், வேலூா் மாவட்டம், பேரணாம்பட்டு பகுதியைச் சோ்ந்த சுதாகா்(40), கிருஷ்ணகிரி மாவட்டம், ஊத்தங்கரை பகுதியைச் சோ்ந்த அரவிந்தன் (24), தன்ராஜ் (25) ஆகிய 3 பேரும் பூட்டை உடைத்து நகை, பணம் திருடியது தெரியவந்தது.
இதையடுத்து சுதாகா், அரவிந்தன், தன்ராஜ் ஆகிய 3 பேரையும் புதன்கிழமை கைது செய்த பொன்னூா் போலீஸாா், அவா்களிடமிருந்து 5 பவுன் தங்க நகைகளை பறிமுதல் செய்தனா்.
