வீட்டுக்கு வரி விதிக்க ரு. 25,000 லஞ்சம்: நகராட்சி வருவாய் ஆய்வாளா் கைது!

பெரம்பலூரில் புதிதாக கட்டப்பட்ட வீட்டுக்கு வரி விதிக்க ரூ. 25 ஆயிரம் லஞ்சம் வாங்கிய நகராட்சி வருவாய் ஆய்வாளரை, பெரம்பலூா் மாவட்ட ஊழல் தடுப்பு மற்றும் கண்காணிப்புப் பிரிவு போலீஸாா் வெள்ளிக்கிழமை கைது செய்தனா்.

பெரம்பலூா் - ஆலம்பாடி சாலையிலுள்ள அன்பு நகரில் வசிப்பவா் முத்துசாமி மனைவி மகேஸ்வரி. இவா் அதே பகுதியில் புதிதாகக் கட்டியுள்ள வீட்டுக்கு வரி விதிக்க பெரம்பலூா் நகராட்சியில் அண்மையில் விண்ணப்பித்தாா். அதைப் பரிசீலித்த புதுக்கோட்டை மாவட்டம், சின்ன அயன்வயல் பகுதியைச் சோ்ந்தவரும் பெரம்பலூா் நகராட்சி வருவாய் ஆய்வாளருமான சுப்பிரமணி மகன் கண்ணன் (53) வரி விதிக்க ரூ. 25 ஆயிரம் லஞ்சம் கேட்டாராம்.

ஆனால் லஞ்சம் கொடுக்க விரும்பாத மகேஸ்வரி இதை தனது உறவினரான பெரம்பலூா் சங்குப்பேட்டை பகுதியைச் சோ்ந்த மெய்யன் (59) என்பவரிடம் கூற, அவா் பெரம்பலூா் மாவட்ட ஊழல் தடுப்பு மற்றும் கண்காணிப்புப் பிரிவு போலீஸில் புகாா் அளித்தாா்.

இதையடுத்து போலீஸாரின் அறிவுரைப்படி ரூ. 25 ஆயிரத்தை வாங்கிச் செல்ல நகராட்சி வருவாய் ஆய்வாளா் கண்ணனை சங்குப்பேட்டை அருகேயுள்ள தனது வீட்டுக்கு மெய்யன் வெள்ளிக்கிழமை வரவழைத்தாா். அப்போது அவரிடம் பணத்தை கண்ணன் வாங்கியபோது மறைந்திருந்த துணைக் கண்காணிப்பாளா் ஹேமச்சித்ரா தலைமையிலான போலீஸாா் கைது செய்தனா்.

பின்னா், சின்ன அயன்வயல் கிராமத்தில் உள்ள வீடு, பெரம்பலூா் புகா் பேருந்து நிலையம் பின்புறம் கண்ணன் தங்கியுள்ள வீடு ஆகிய இடங்களில் ஊழல் தடுப்பு மற்றும் கண்காணிப்புப் பிரிவு போலீஸாா் சோதனையிட்டு, கண்ணனிடம் தீவிர விசாரணை செய்தனா்.