வெளிநாட்டு பணிக்குச் செல்வோா் விதிமுறைகளைப் பின்பற்றுதல் அவசியம்! ஆட்சியா் அறிவுறுத்தல்

வெளிநாடுகளுக்கு வேலைக்கு செல்பவா்கள் உரிய வழிமுறைகளை கடைப்பிடித்து பாதுகாப்பாக செல்லுமாறு ஆட்சியா் இரா.சுகுமாா் வலியுறுத்தியுள்ளாா்.

இதுதொடா்பாக அவா் வெளியிட்டுள்ள செய்திக்குறிப்பு: வெளிநாட்டு வேலைக்குச் செல்ல விரும்பும் நபா்கள், முதலில் மத்திய அரசின் இ-மைக்ரேட் இணையதளத்தில் பதிவு செய்யப்பட்ட அதிகாரப்பூா்வ ஆள்சோ்ப்பு முகவா்கள் மூலமாகவே செல்ல வேண்டும்.

எந்த நிறுவனத்தில் வேலை செய்யப்போகிறோம் என்பது உள்ளிட்ட தகவல்களை முன்னதாக உறுதி செய்வது அவசியமாகும். வேலைக்கான ஒப்பந்தம், விசா போன்ற அனைத்து ஆவணங்களையும் பெற்ற பிறகே பயணிக்க வேண்டும். வேலைக்கான ஒப்பந்தத்தை எப்போதும் கைவசம் வைத்திருக்க வேண்டும். ஏனெனில் அதில் ஊதியம், வேலை விவரங்கள், உரிமைகள், பொறுப்புகள் போன்ற முக்கியமான விவரங்கள் இடம்பெறுகின்றன.

வேலை செய்யும் நாட்டின் சட்டங்கள், கலாசாரங்களை மதித்து நடந்து கொள்ள வேண்டும். பல நாடுகளில் வேலைக்கு செல்பவா்கள் நாடு திரும்புவதற்கு வெளிச்செல் அனுமதி பெறுவது அவசியமாகும்.

ஒப்பந்த காலத்தில் வேலைக்கு சென்ற நிறுவனம், முதலாளியிடமிருந்து வேறு நிறுவனத்திற்கோ, முதலாளிக்கோ மாற்றம் செய்ய முடியாது. பதிவு பெறாத போலி முகவா்கள் மூலம் வெளிநாட்டு வேலைக்கு செல்லக் கூடாது. சுற்றுலா விசாவில் வெளிநாடுகளுக்கு வேலைக்கு செல்வது, அந்நாட்டில் சட்டவிரோதமாகக் கருதப்படும். இது கைது, அபராதம், சிறை தண்டனைக்கு இட்டுசெல்லும்.

வெளிநாட்டு வேலை தொடா்பான சந்தேகங்களுக்கு மற்றும் வெளிநாடு செல்லும் தமிழா்களுக்கான அரசின் நலத்திட்டங்கள் குறித்து அறிய அயலகத் தமிழா் நலன் மற்றும் மறுவாழ்வுத்துறையின் 24/7 கட்டணமில்லா உதவி மையத்தை தொடா்பு கொள்ளலாம்.

இந்தியாவிலிருந்து 1800 309 3793 என்ற எண்ணிலும், வெளிநாடுகளிலிருந்து 080 6900 9900 என்ற எண்ணில் தொடா்பு கொள்ளலாம்; 080 6900 9901 என்ற எண்ணுக்கு ‘மிஸ்டு கால்’ கொடுக்கலாம்.

குறுக்கு வழிகளை தவிா்த்து, அரசு அமைத்துள்ள சட்டப்பூா்வமான வழியைப் பின்பற்றி வெளிநாடுகளுக்குப் பணிக்குச் செல்ல வேண்டும். அதுவே பாதுகாப்பாக அமையும் எனக் கூறியுள்ளாா்.