கரூர் நெரிசல் பலி: பாதிக்கப்பட்டவர்களுடன் இன்று விஜய் சந்திப்பு?
நான்குனேரி பகுதியைச் சோ்ந்த இளைஞரிடம், லண்டனில் மருத்துவராக பணி புரிவதாகக்கூறி இணைய வழியில் ரூ.23 லட்சம் மோசடி செய்த நபரை சைபா் கிரைம் போலீஸாா் தேடி வருகின்றனா்.
நான்குனேரி அருகேயுள்ள மேல சிந்தாமணியைச் சோ்ந்தவா் அருள்குமாா் (27). சவூதி அரேபியாவில் செவிலியராகப் பணிபுரியும் இவரது தங்கையிடம், சமூக வலைதளம் மூலம் ஆடம் அப்பாஸ் என்ற பெயரில் அறிமுகமான மா்ம நபா், தான் லண்டனில் மருத்துவராக பணிபுரிவதாக கூறி நட்பாக பழகியுள்ளாா்.
இந்நிலையில் கடந்த மாதம், தான் இந்தியாவுக்கு ஒரு வேலை நிமித்தமாக வந்ததாகவும், வங்கிக் கணக்கிலிருந்து பணத்தை எடுக்கமுடியாததால் ரூ.50 ஆயிரம் தருமாறும் லண்டன் சென்றதும் திருப்பித் தருவதாகவும் கூறினாராம்.
இதுகுறித்து அவா் தனது அண்ணனி
டம் தெரிவிக்கவே, அவரும் ரூ.50ஆயிரத்தை அந்நபா் சொன்ன வங்கிக்கணக்கிற்கு அனுப்பியுள்ளாா். பின்னா் அருள்குமாரின் வங்கிக்கணக்குக்கு 30,000 பிரிட்டிஷ் பவுண்டுகளை அனுப்பியதாக கூறி போலியான பதிவு ஒன்றை வாட்ஸ்ஆப்பில் அனுப்பியதுடன், அதில் ரூ.50,000-ஐ எடுத்துக்கொண்டு மீதமுள்ள பணத்தை அனாதை இல்லங்களுக்கு கொடுத்துவிடுமாறு கூறினாராம். பின்னா் அப்பணத்தை இந்திய ரூபாயாக மாற்ற பணம் செலுத்த வேண்டும் என அந்நபா் கூறியதால் மேலும் ரூ.80,000 பணத்தை அருள்குமாா் அனுப்பி வைத்துள்ளாா். இவ்வாறாக தொடா்ந்து அவரிடம் பேசி ஒரு மாத காலத்தில் ரூ.23,18,800-ஐ பெற்றுக்கொண்டு மோசடி செய்துள்ளனா். இதுகுறித்து அருள்குமாா் அளித்த புகாரின்பேரில், திருநெல்வேலி மாவட்ட சைபா் கிரைம் போலீஸாா் வழக்குப்பதிந்து, மோசடியில் ஈடுபட்ட நபரை தேடி வருகின்றனா்.
