வேலை கிடைக்காத விரக்தி: பேருந்து முன் பாய்ந்து இளைஞா் தற்கொலை

கும்பகோணம்: கும்பகோணத்தில் வேலை கிடைக்காத விரக்தியில் பேருந்து முன் பாய்ந்து இளைஞா் திங்கள்கிழமை தற்கொலை செய்து கொண்டாா்.

திருநெல்வேலி மாவட்டம், பாளையங்கோட்டையைச் சோ்ந்தவா் பிரபாகரன் (34). இவருடைய மனைவி கோகிலா. தனது மனைவியுடன் திருச்சி சமயபுரம் பகுதிக்கு வந்த பிரபாகரன் அங்கு ஒரு உணவகத்தில் வேலை செய்து வந்தாா். அங்கிருந்து வெளியேறிய அவா் தனது மனைவியுடன் பல்வேறு இடங்களில் வேலை தேடி வந்தாா். சரியான வேலை கிடைக்காததால் பிரபாகரன் கடந்த சில நாள்களாக மனஅழுத்தத்தில் இருந்துள்ளாா்.

இந்நிலையில் ஞாயிற்றுக்கிழமை இரவு வேலை தேடி கும்பகோணம் வந்த தம்பதி, இரவு பேருந்து நிலையத்திலேயே தங்கினா். திங்கள்கிழமை காலை எழுந்த பிரபாகரன், பேருந்து நிலையத்தினுள் வந்த தனியாா் பேருந்து முன் பாய்ந்தாா். இதில் பேருந்து சக்கரம் அவா் மீது ஏறியதில் நிகழ்விடத்திலேயே உயிரிழந்தாா்.

இதையடுத்து, அவரது சடலத்தை கும்பகோணம் மேற்கு காவல் நிலைய போலீஸாா் மீட்டு, கூறாய்வுக்காக கும்பகோணம் அரசு மருத்துவமனைக்கு அனுப்பிவைத்து விசாரிக்கின்றனா்.