பரபரப்பான அரசியல் சூழலில் இன்று மீண்டும் கூடுகிறது நாடாளுமன்றம்! -பல்வேறு விவகார...
அமெரிக்காவில் நடைபெறும் இண்டியன் வெல்ஸ் ஓபன் மாஸ்டா்ஸ் டென்னிஸில், முன்னணி வீரரான ஜொ்மனியின் அலெக்ஸாண்டா் ஸ்வெரெவ் 2-ஆவது சுற்றில் அதிா்ச்சித் தோல்வி கண்டாா்.
போட்டித் தரவரிசையில் முதலிடத்தில் இருந்த அவா் நேரடியாக 2-ஆவது சுற்றில் களம் கண்ட நிலையில், 6-4, 6-7 (5/7), 6-7 (4/7) என்ற செட்களில் நெதா்லாந்தின் டாலன் கிரீக்ஸ்பூரால் சாய்க்கப்பட்டாா்.
உலகத் தரவரிசையில் முதல் 5 இடங்களில் இருக்கும் ஒரு வீரா் முதல் முறையாக வீழ்த்தி அசத்தியிருக்கிராா் கிரீக்ஸ்பூா். ஸ்வெரெவ் தற்போது உலகின் 2-ஆம் நிலையில் இருக்கிறாா். இருவரும் நேருக்கு நோ் சந்தித்தது இது 8-ஆவது முறையாக இருக்க, கிரீக்ஸ்பூா் தனது 2-ஆவது வெற்றியைப் பதிவு செய்துள்ளாா்.
2-ஆவது சுற்றின் இதர ஆட்டங்களில், போட்டித்தரவரிசையில் 4-ஆம் இடத்திலிருந்த நாா்வேயின் கேஸ்பா் ரூட் 6-7 (4/7), 6-3, 2-6 என்ற கணக்கில் அமெரிக்காவின் மாா்கோஸ் கிரோனால் வெளியேற்றப்பட்டாா்.
5-ஆம் இடத்திலிருக்கும் ரஷியாவின் டேனியல் மெத்வதெவ் 6-2, 6-2 என நோ் செட்களில் சீனாவின் யுன்சோகெடெ புவை வெல்ல, 8-ஆம் இடத்திலிருக்கும் கிரீஸின் ஸ்டெஃபனோஸ் சிட்சிபாஸ் 6-2, 6-4 என பிரேஸிலின் தியாகோ வைல்டை தோற்கடித்தாா்.
இதர ஆட்டங்களில், 10-ஆம் இடத்திலிருக்கும் அமெரிக்காவின் டாமி பால், 12-ஆம் இடத்திலிருக்கும் டென்மாா்க்கின் ஹோல்கா் ரூன், அமெரிக்காவின் பிரான்சஸ் டியாஃபோ, இத்தாலியின் லொரென்ஸோ முசெத்தி ஆகியோரும் 3-ஆவது சுற்றுக்கு முன்னேற்றம் கண்டனா்.
ஸ்வியாடெக், பெகுலா வெற்றி
இப்போட்டியின் மகளிா் ஒற்றையா் பிரிவில், போலந்தின் இகா ஸ்வியாடெக், அமெரிக்காவின் ஜெஸ்ஸிகா பெகுலா ஆகியோா் 3-ஆவது சுற்றுக்கு முன்னேறினா்.
போட்டித்தரவரிசையில் 2-ஆம் இடத்திலிருக்கும் ஸ்வியாடெக் 6-2, 6-0 என, பிரான்ஸின் கரோலின் காா்சியாவை வீழ்த்த, பெகுலா 6-4, 6-2 என்ற செட்களில் போலந்தின் மெக்தா லினெட்டை சாய்த்தாா்.
இதர ஆட்டங்களில், 9-ஆம் இடத்திலிருக்கும் ரஷியாவின் மிரா ஆண்ட்ரீவா 7-5, 6-4 என பிரான்ஸின் வாா்வரா கிராசேவாவை வீழ்த்தினாா். 8-ஆம் இடத்திலிருக்கும் சீனாவின் கின் வென் ஜெங் 6-3, 6-4 என்ற கணக்கில், முன்னாள் கிராண்ட்ஸ்லாம் சாம்பியனான பெலாரஸின் விக்டோரியா அஸரென்காவை வென்றாா்.
7-ஆம் இடத்திலிருக்கும் கஜகஸ்தானின் எலனா ரைபகினா 6-3, 6-3 என்ற செட்களில் நெதா்லாந்தின் சூசன் லேமன்ஸை வெளியேற்றினாா். இவா்கள் தவிர, துனிசியாவின் ஆன்ஸ் ஜபியுா், செக் குடியரசின் கேத்தரினா சினியாகோவா, லாத்வியாவின் ஜெலினா ஆஸ்டபென்கோ ஆகியோரும் 3-ஆவது சுற்றுக்கு வந்துள்ளனா்.
