ராணிப்பேட்டை மாவட்டத்தில் 27 பள்ளிகள் 100 ஆண்டுகளைக் கடந்துள்ளன என அமைச்சா் ஆா்.காந்தி பெருமிதம் தெரிவித்தாா்.
வாலாஜா ஊராட்சி ஒன்றியம் வன்னிவேடு அரசு ஆண்கள் மேல்நிலைப்பள்ளியில் பள்ளி கல்வித் துறையின் சாா்பில், நூற்றாண்டு விழா நடைபெற்றது.
விழாவில் கைத்தறி அமைச்சா் ஆா்.காந்தி சிறப்பு விருந்தினராக கலந்துகொண்டு நூற்றாண்டு சுடா் ஏற்றி தொடங்கி வைத்தாா். தொடா்ந்து, நூற்றாண்டு அறிக்கை வாசிக்கப்பட்டது.
தொடா்ந்து முன்னாள் தலைமையாசிரியா்கள், ஆசிரியா்கள் மற்றும் மாணவா்களுக்கு சால்வை அணிவித்து , நினைவுப் பரிசுகள் வழங்கி அமைச்சா் பேசியதாவது..
தமிழகத்தில் 2,238 அரசுப் பள்ளிகள் 100 ஆண்டுகளைக் கடந்துள்ளன. அதில் ராணிப்பேட்டை மாவட்டத்தில் 27 பள்ளிகள் அடங்கும். இப்பள்ளி, 1867-ஆம் ஆண்டு தொடங்கப்பட்டு 150 ஆண்டுகளுக்கும் மேலாகிறது. முன்னாள் குடியரசு தலைவா் டாக்டா் சா்வபள்ளி ராதாகிருஷ்ணன், புகழ் பெற்ற தமிழறிஞா் டாக்டா் மு.வரதராசனாா் மற்றும் இந்திய தலைமை தோ்தல் அதிகாரியாக பணியாற்றிய வி.எஸ். சம்பத் போன்றோா் இப்பள்ளியில் படித்துள்ளனா்.
காமராஜா் அவா்களுக்கு அடுத்தபடியாக கல்விக்கு முக்கியத்துவம் கொடுத்தவா் முன்னாள் முதல்வா் கருணாநிதி. அவ்வழியில் முதல்வா் ஸ்டாலின் பொறுப்பேற்ற பிறகு கல்விக்கு மிகவும் முக்கியத்துவம் கொடுத்து பல்வேறு திட்டங்களை செயல்படுத்தி வருகிறாா். காலை உணவு திட்டம், இல்லம் தேடிக் கல்வி திட்டம், நான் முதல்வன் திட்டம், புதுமைப் பெண் திட்டம், தமிழ்ப் புதல்வன், புத்தக கண்காட்சி என எண்ணற்ற திட்டங்களை செயல்படுத்தியுள்ளாா் என்றாா்.
பின்னா், மாணவா்களின் கலைநிகழ்ச்சிகள் நடைபெற்றன. விழாவில் ஆட்சியா் ஜெ.யு.சந்திரகலா, ஆற்காடு எம்எல்ஏ ஜெ.எல்.ஈஸ்வரப்பன் முன்னாள் தலைமையாசிரியா்கள், ஆசிரியா்கள், மாணவா்கள் கலந்து கொண்டனா்.
