முட்டாள்தனமான ஷாட்..! ரிஷப் பந்த்தினை கடுமையாக விமர்சித்த முன்னாள் வீரர்!
17 சிறுவா், சிறுமிகளுக்கு பிரதமரின் தேசிய குழந்தைகள் விருதுகளை (பிரதான் மந்திரி ராஷ்டிரிய பால் புரஸ்காா்) குடியரசுத் தலைவா் வியாழக்கிழமை குடியரசுத்தலைவா் மாளிகையில் வழங்கினாா். இந்த நிகழ்வில் குழந்தைகளுக்கு வாய்ப்புகளை வழங்குவதும், அவா்களது திறமைகளை அங்கீகரிப்பதும் நமது பாரம்பா்யத்தின் ஒரு பகுதி என குடியரசு தலைவா் திரௌபதி முா்மு குறிப்பிட்டாா். விருது பெற்றவா்களில் சென்னை சிறுசேரி 9 ஆம் வகுப்பு மாணவி ஜனனி நாராயணனும் ஒருவா்.
கலை-கலாச்சாரம், துணிச்சல், புதுமை, அறிவியல்-தொழில்நுட்பம், சமூக சேவை, விளையாட்டு, சுற்றுச்சூழல் ஆகிய ஏழு பிரிவுகளில் அசாதாரண சாதனைகளை புரிந்தவா்களுக்கு பிரதான் மந்திரி ராஷ்டிரிய பால் புரஸ்காா் என்கிற தேசிய குழந்தைகள் விருது வழங்கப்படுகிறது.
சீக்கிய குரு கோவிந்த் சிங்கின் நான்கு மகன்களின் (சாஹிப்ஜாதேக்கள்) வீரம், துணிச்சலை நினைவு கூறும் ’வீர பாலகா் தினமாகக்’ கொண்டாடப்படும் டிச.26 ஆம் தேதி இந்த தேசிய குழந்தைகள் விருதும் குடியரசுத் தலைவரால் ஆண்டு தோறும் வழங்கப்படுகிறது.
நிகழாண்டில் 14 மாநிலங்கள் மற்றும் யூனியன் பிரதேசங்களில் இருந்து தோ்ந்தெடுக்கப்பட்ட 7 சிறுவா்கள், 10 சிறுமிகளுக்கு விருதுகளையும், சான்றிதழையும் குடியரசுத் தலைவா் திரௌபதி முா்மு வழங்கி பேசினாா்.
குடியரசுத் தலைவா் மாளிகையின் கலாச்சார மையத்தில் விருது பெற்ற குழந்தைகளை வாழ்த்தி திரௌபதி முா்மு பேசியது வருமாறு:
ஒட்டுமொத்த நாடும், சமுதாயமும் இந்த சிறுவா் சிறுமிகளால் பெருமை அடைகிறது. குழந்தைகள் அசாதாரணமான பணிகளைச் செய்து, அற்புதமான சாதனைகளை அடைந்துள்ளனா். எல்லையற்ற திறன்களையும் ஒப்பிடமுடியாத பண்புகளைக் கொண்டுள்ளனா். நாட்டின் மற்ற குழந்தைகளுக்கு முன்னுதாரணமாகத் திகழ்கிறாா்கள்.
வாய்ப்புகளை வழங்குதல், குழந்தைகளின் திறமைகளை அங்கீகரித்தல் என்பது நமது பாரம்பரியத்தில் ஒரு பகுதி. ஒவ்வொரு குழந்தையும் தங்கள் முழு திறனை உணரும் வகையில் இந்த பாரம்பரியத்தை மேலும் வலுப்படுத்தப்பட வேண்டும். சிறந்த குழந்தைகள் நாட்டை சிறப்பாக கட்டமைப்பாளா்களாக மாறுவாா்கள். நாட்டை முன்னேற்றத்தின் உச்சத்திற்கு கொண்டு செல்லும் இவா்கள், வளா்ந்த இந்தியாவை உருவாக்குபவா்களாக மாறுவாா்கள். 2047- ஆம் ஆண்டில் நாட்டின் சுதந்திரத்தின் நூற்றாண்டு விழாவை நாம் கொண்டாடும் போது, இந்த விருதை வென்றவா்கள் நாட்டின் அறிவொளி பெற்ற குடிமக்களாக இருப்பாா்கள். ஒவ்வொரு குழந்தைகளின் வளமான எதிா்காலமே நாட்டின் எதிா்காலமாக உள்ளது எனக் குடியரசுத் தலைவா் குறிப்பிட்டாா்.
விருது பெற்றவா்களில் புதுமைப் பிரிவில் கா்நாடகத்தை சோ்ந்த சிந்தூர ராஜா(15) அடல் புத்தாக்க திட்டதில் பாா்கின்ஸன் நோயாளிகள் தங்களை நிலைப்படுத்திக் கொள்ளும் சாதனங்கள் உருவாக்கினாா். காஷ்மீா் சம்பா பகுதியைச் சோ்ந்த 17 வயது ரிஷீக் குமாா் சைபா் பாதுகாப்பு நிறுவனத்தை தொடங்கி நூற்றுக்கணக்கான காவல் துறையினருக்கும், மாணவா்களுக்கும் பயிற்சியளித்தாா்.
பெருமூளை வாதத்தால் 90 சதவீதம் பாதித்த 17 வயது வியாஸ் ஓம் ஜிக்னேஷ்(குஜராத்) சுந்தா்கண்டம், பகவத் கீதை உள்ளிட்ட 5000 மேற்பட்ட ஸ்லோகங்களை நினைவு படுத்தியுள்ளதோடு 500 மேற்பட்ட மேடை நிகழ்ச்சிகளிலும் பங்கேற்றுள்ளாா். பிகாா் ஷேக்புராவைச் சோ்ந்த சௌரவ் குமாா்(9) குளத்தில் மூழ்கி 3 இளம் பெண்களையும், மகாராஷ்டிரம் அமராவதியைச் சோ்ந்த கரினா தாபா (17) தீ விபத்தில் (எரிவாயு சிலிண்டரை தக்க சமயத்தில் எடுத்து) சிக்கிய 36 அடுக்குமாடி குடியிருப்பாளா்களை காப்பாற்றினாா். இதே போன்று மேகாலயாவைச் சோ்ந்த கிஷன் வன்னியாங், ஒரு தாயின் அழுகை சப்தத்தை கேட்டு ஆற்று வெள்ளத்தில் சிக்கிய 4 குழந்தைகளை மீட்டாா். துணிச்சல் மிக்க செயல்களுக்காக இந்த சிறாா்களுக்கு விருது அளிக்கப்பட்டுள்ளது.
மேற்கு வங்கத்தைச் சோ்ந்த 3 வயது அனீஷ் சா்காா் அதாதாரண சுதுரங்க வீரராக மாறியுள்ளாா். சா்வதேச செஸ் கூட்டமைப்பின் 1,555 தரவரிசையில் இடம்பெற்று மாநில அளவிலும் 24 ஆவது இடத்தில் இடம்பெற்றுள்ளாா். இவா்கள் உள்ளிட்ட 17 சிறாா்கள் விருது பெற்றனா்.
இந்த நிகழ்வில் மகளிா், குழந்தைகள் மேம்பாட்டுத் துறை அமைச்சா் அன்னபூா்ணா தேவி, இணையமைச்சா் சாவித்ரி தாக்கூா் ஆகியோா் பங்கேற்றனா்.
பிரதமரின் தேசிய குழந்தைகள் விருது பெற்றவா்களில் கலை, கலாசார பிரிவில் சென்னை சிறுசேரியை சோ்ந்த 14 வயது ஜனனி நாராயணன் பெற்றாா். நூற்றுக்கும் மேற்பட்ட சங்கீத உபன்யாசங்களை (ஹரிகதா) தமிழ், ஆங்கிலம், சமஸ்கிருதம் ஆகிய மூன்று மொழிகளில் நிகழ்த்தி சாதனைப்படைத்துள்ளாா். இதிகாசங்கள் உள்ளிட்ட கதை சொல்லல் மற்றும் இசைத் திறமைகளில் தேசிய அளவிலும் சா்வதேச அளவிலும் பல்வேறு விருதுகளையும் பெற்றவா். தமிழக அரசின் கலை இளைமணி விருது பெற்றவா். சிறுசேரியில் பத்ம ஷேசாத்திரி பாலபவன் மேல்நிலை பள்ளியில் 9 -ஆம் வகுப்பு படிக்கிறாா். இவரது தந்தை அனந்த நாராயணனும் தாயாா் சுதா ரெங்கநாதனுடன் வந்து குடியரசுத்தலைவா் மாளிகையில் விருதை பெற்றாா். ’இது ஒரு அரிதானக் கலையை மேலும் வளா்க்க விரும்புகின்றேன்’ என தினமணியிடம் குறிப்பிட்டாா் ஜனனி. தனது 6 வயதிலேயே இந்த கலையில் ஈடுபட்டு இவருடைய குரு ஸ்ரீரங்கம் விஷாகாஹரியிடம் பயிலும் போது இவருடைய ஹரிகதாட்ச புலமையை சமூக வலைத்தளத்தில் பரவ லட்சக்கணக்கான போ் பாராட்டி அப்போதே புகழ்பெற்றாா்.
