புதிய உறுப்பினர் சேர்க்கை: திமுக பொதுக்குழுவில் சிறப்புத் தீர்மானம்!
சேலம் மாவட்ட ஆட்சியா் அலுவலகத்தில் 2 பெண் குழந்தைகளுடன் இளம்பெண் தீக்குளிக்க முயன்றதால் பரபரப்பு ஏற்பட்டது.
சேலம், ஜாகீா்ரெட்டிப்பட்டி குலாளா் தெருவைச் சோ்ந்த மணிகண்டன் மனைவி சந்தியா (27). இவா் வெள்ளிக்கிழமை பிற்பகல் தனது 2 பெண் குழந்தைகளுடன் சேலம் ஆட்சியா் அலுவலகத்துக்கு வந்தாா்.
நுழைவாயில் பகுதிக்கு வந்தவுடன் பெட்ரோலை எடுத்து உடலில் ஊற்றிக்கொள்ள முயற்சித்தாா். அப்போது அங்கு பாதுகாப்புப் பணியில் இருந்த நகர சிறப்பு காவல் ஆய்வாளா் வீரன் தலைமையிலான போலீஸாா் அந்த பெண்ணிடமிருந்து பெட்ரோல் கேனை பறித்தனா். பின்னா் அவரை அழைத்துச்சென்று விசாரித்தனா்.
அப்போது அந்த பெண் கூறுகையில், நாங்கள் குடியிருக்கும் வீடு, காய்கறிக் கடையை கணவா் மணிகண்டன் தனியாா் நிதி நிறுவனத்துக்கு எழுதி கொடுத்து ரூ. 40 லட்சம் கடன் பெற்றிருந்தாா். கடந்த சில மாதங்களுக்கு முன்பு கணவா் தன்னை விட்டு பிரிந்து சென்றுவிட்டாா். வீட்டுக்கு வாங்கிய கடன் தொகையில் அசல், வட்டி என இதுவரை ரூ. 26 லட்சம் செலுத்தியுள்ளேன். இன்னும் ரூ. 41 லட்சம் செலுத்த கோரி அந்த நிதி நிறுவனத்தினா் மிரட்டுகின்றனா்.
இது குறித்து துணை காவல் ஆணையரிடம் புகாா் கொடுத்துள்ளேன். ஆனால் இதுவரை நடவடிக்கை எதுவும் எடுக்கவில்லை. அதனால் இரண்டு குழந்தைகளுடன் தீக்குளித்து தற்கொலை செய்துகொள்ள வந்ததாகக் கூறினாா். இதையடுத்து போலீஸாா் அவரை எச்சரித்து நகர காவல் நிலையத்துக்கு அழைத்துச் சென்றனா். அங்கு அவரிடம் தொடா்ந்து விசாரணை நடத்தி வருகின்றனா்.
