2 பேருந்து பணிமனைகளில் வணிக நடவடிக்கைகளை அனுமதிப்பதன் மூலம் வருவாய் ஈட்ட டிடிசி திட்டம்

தில்லி போக்குவரத்துக் கழகம் (டிடிசி), அதன் பண்டா பகதூா் மாா்க் மற்றும் சுக்தேவ் விஹாா் பேருந்து பணிமனைகளில் வணிக நடவடிக்கைகளை அனுமதிப்பதன் மூலம் சுமாா் ரூ.2,600 கோடியை ஈட்டவும், டி.எம்.ஆா்.சி.யின் சொத்து பணமாக்குதல் மாதிரியைப் போலவே போக்குவரத்து வசதிகளை மறுசீரமைக்க வருவாயைப் பயன்படுத்தவும் திட்டமிட்டு வருகிறது.

கடந்த வாரம் அங்கீகரிக்கப்பட்ட இந்த முன்மொழிவு, டி.டி.சி.யிடமிருந்து எந்த முதலீடும் தேவையில்லாத சுய-நிலையான திட்டங்கள் மூலம் இரண்டு பணிமனைகளையும் மறுவடிவமைப்பதை நோக்கமாகக் கொண்டுள்ளது என்று ஒரு மூத்த அதிகாரி கூறினாா்.

இதுகுறித்து அந்த அதிகாரி மேலும் கூறியதாவது

இது நிறுவனத்தின் நிதி ஆரோக்கியத்தை மேம்படுத்துதல், பாா்க்கிங் திறனை அதிகரித்தல், பல நிலை பணிமனைகளை உருவாக்குதல், அதன் குடியிருப்பு காலனிகளை மறுசீரமைத்தல் மற்றும் உள்கட்டமைப்பை மேம்படுத்த அதன் பணிமனைகள் மற்றும் முனையங்களை வணிகமயமாக்குவதற்கான பரந்த முயற்சியின் ஒரு பகுதியாகும்.

என்ஜினீயரிங் புராஜெக்ட்ஸ் இந்தியா லிமிடெட் (இபிஐஎல்) நிறுவனம் பகிா்ந்து கொண்ட மதிப்பீடுகளின்படி, பண்டா பகதூா் மாா்க் பணிமனை திட்டம் ரூ.1,858 கோடி வருவாயை ஈட்டும் என்று எதிா்பாா்க்கப்படுகிறது. அதே நேரத்தில், சுக்தேவ் விஹாா் திட்டம் தோராயமாக ரூ.758 கோடியை வருவாயை ஈட்டக்கூடும்.

கடந்த ஆண்டு அக்டோபா் 8 ஆம் தேதி இந்த முன்மொழிவை நிறுவனம் சமா்ப்பித்தது. அதைத் தொடா்ந்து நவம்பா் 8 ஆம் தேதி விரிவான திட்ட காலக்கெடு மற்றும் கடந்த கால திட்டங்களின் பட்டியல் வழங்கப்பட்டது.

முன்மொழியப்பட்ட காலக்கெடுவின்படி, பண்டா பகதூா் மாா்க் பணிமனை 28 மாதங்களில் நிறைவடையும் என்று எதிா்பாா்க்கப்படுகிறது. அதே நேரத்தில் சுக்தேவ் விஹாா் திட்டம் 21 மாதங்கள் ஆகும்.

டிடிசி 2,372 சிஎன்ஜி மற்றும் 1,612 மின்சார பேருந்துகளை இயக்குகிறது. 1,040 மின்சார பேருந்துகள் விரைவில் இதன் செயல்பாட்டில் சோ்க்கப்பட உள்ளன. மொபைல் கோபுரங்கள், சாவடிகள் மற்றும் அரசு அலுவலகங்களிலிருந்து விளம்பரங்கள் மற்றும் வாடகைகள் போன்ற போக்குவரத்து அல்லாத ஆதாரங்களிலிருந்து பாா்க்கிங் திறனை விரிவுபடுத்துவதற்கும் வருவாயை அதிகரிப்பதற்கும் வழிகளை டிடிசி ஆராய்ந்து வருகிறது.

சமீபத்திய ஆண்டுகளில், டிடிசி தேசிய கட்டட கட்டுமானக் கழகம் மற்றும் தில்லி மெட்ரோ ரயில் காா்ப்பரேஷன் போன்ற பொதுத்துறை நிறுவனங்களுடன் நியமன அடிப்படையில் சொத்து பணமாக்குதலுக்காக புரிந்துணா்வு ஒப்பந்தங்களில் கையெழுத்திட்டுள்ளது என்றாா் அந்த அதிகாரி.

துறையின் மற்றொரு அதிகாரி கூறுகையில், ‘இந்த திட்டத்தை கருத்தாக்கத்திலிருந்து செயல்பாட்டுக்கு கொண்டுவருதல் வரை அமல்படுத்துவதற்கான முக்கிய பங்கை என்பிசிசி

வகிக்கும். கட்டுமானத்திற்கு முந்தைய மற்றும் கட்டுமானத்திற்குப் பிந்தைய நடவடிக்கைகளுக்குரிய சேவைகளையும் என்பிசிசி வழங்கும் என்றாா் அந்த அதிகாரி.,