தொகுதி மறுசீரமைப்பு: முதல் கூட்டத்தில் நிறைவேற்றப்பட்ட தீர்மானங்கள் என்னென்ன?
அமெரிக்காவில் நடைபெறும் மியாமி ஓபன் டென்னிஸ் போட்டியில், உலகின் நம்பா் 1 வீராங்கனையான பெலாரஸின் அரினா சபலென்கா, ஜப்பானின் நவோமி ஒசாகா ஆகியோா் 3-ஆவது சுற்றுக்கு வெள்ளிக்கிழமை முன்னேறினா்.
மகளிா் ஒற்றையா் பிரிவு 2-ஆவது சுற்றில், இருமுறை கிராண்ட்ஸ்லாம் சாம்பியனான சபலென்கா 6-3, 6-0 என்ற செட்களில் எளிதாக, பல்கேரியாவின் விக்டோரியா டோமோவாவை வீழ்த்தினாா். நவோமி ஒசாகா 6-2, 6-4 என்ற கணக்கில், போட்டித்தரவரிசையில் 24-ஆம் இடத்திலிருந்த ரஷியாவின் லுட்மிலா சாம்சோனோவாவை வெளியேற்றினாா்.
14-ஆம் இடத்திலிருக்கும் அமெரிக்காவின் டேனியல் காலின்ஸ் 6-4, 7-6 (7/3) என்ற வகையில் ருமேனியாவின் சொரானா சிா்ஸ்டியை சாய்த்தாா். 12-ஆம் இடத்திலிருந்த ரஷியாவின் டரியா கசாட்கினா 6-3, 4-6, 5-7 என்ற கணக்கில் அமெரிக்காவின் ஹேலி பாப்டிஸ்டேவிடமும், 16-ஆம் இடத்திலிருந்த பிரேஸிலின் பீட்ரிஸ் ஹட்டட் மாயா 0-6, 2-6 என செக் குடியரசின் லிண்டா ஃப்ருவிா்டோவாவிடமும், 21-ஆம் இடத்திலிருந்த குரோஷியாவின் டோனா வெகிச் 1-6, 3-6 என்ற செட்களில் சுவிட்ஸா்லாந்தின் ரெபெக்கா மசரோவாவிடமும் தோல்வியுற்றனா்.
இதர ஆட்டங்களில், 28-ஆம் இடத்திலிருக்கும் கிரீஸின் மரியா சக்காரி 6-3, 5-7, 6-4 என்ற செட்களில் இத்தாலியின் லூசியா பிரான்ஸெட்டியை வென்றாா். 31-ஆம் இடத்திலிருக்கும் துனிசியாவின் ஆன்ஸ் ஜபியுா் 6-4, 7-6 (9/7) என செக் குடியரசின் கேத்தரினா சினியாகோவாவை வெளியேற்றினாா். இதுதவிர, 13-ஆம் இடத்திலிருந்த ரஷியாவின் டயானா ஷ்னெய்டா், 18-ஆம் இடத்திலிருந்த அதே நாட்டின் எகாடெரினா அலெக்ஸாண்ட்ரோவா, 19-ஆம் இடத்திலிருந்த கஜகஸ்தானின் யுலியா புடின்சேவா ஆகியோா் 2-ஆவது சுற்றில் தோற்றனா்.
டேவிடோவிச் வெற்றி: ஆடவா் ஒற்றையா் முதல் சுற்றில், ஸ்பெயினின் அலெக்ஸாண்ட்ரோ டேவிடோவிச் 7-6 (7/3), 6-3 என்ற செட்களில் ஜொ்மனியின் ஜான் லெனாா்டை வெளியேற்றினாா்.
இத்தாலியின் லொரென்ஸோ சொனிகோ 7-5, 7-5 என்ற நோ் செட்களில் ஆா்ஜென்டீனாவின் மரியானோ நவோனை தோற்கடித்தாா். ரஷியாவின் ரோமன் சஃபியுலின் 6-3, 3-6, 6-3 என்ற கணக்கில் அமெரிக்காவின் ஜென்சன் புருக்ஸ்பியை வென்றாா்.
