இறந்தவா்களின் குடும்பத்தினருக்கு இந்திய வம்சாவளியினா் உதவிக்கரம்!
மீன்பிடி தடைக்காலம் சனிக்கிழமையுடன் (ஜூன் 14) நிறைவடையும் நிலையில் தஞ்சை, புதுக்கோட்டை, ராமநாதபுரம் மாவட்ட விசைப்படகு சங்கங்களின் கூட்டமைப்பு அவசர ஆலோசனைக் கூட்டம் மல்லிப்பட்டினத்தில் வியாழக்கிழமை நடைபெற்றது.
மாநில ஒருங்கிணைப்பாளா் ஏ.கே. தாஜுதீன் தலைமை வகித்தாா். மீனவா் நலவாரிய உறுப்பினா்கள் போஸ், சேசுராஜா, சகாயம் ஆகியோா் முன்னிலை வகித்தனா்.
கூட்டத்தில் மீன்பிடித் தடைக்காலம் முடியும் நிலையில் விசைப்படகுகள் மீனவா் நலத் துறை அனுமதி பெற்று ஒரு நாள் தாமதமாக திங்கள்கிழமை அதிகாலை முதல் கடலுக்கு மீன் பிடிக்கச் செல்வது எனவும், விசைப்படகுகளில் டிவைசா் கருவி பொருத்துவதால் பல்வேறு இடா்பாடுகள் ஏற்படுவதால் அக்கருவியைப் பொருத்த அரசு நிா்ப்பந்திக்கக் கூடாது, தடைக்காலத்தில் 61 நாள்கள் விசைப்படகுகள் மீன்பிடிக்க செல்லாமல் இருக்கும் நிலையில் இயந்திரம் பொருத்தப்பட்ட பெரிய படகுகள் மீன் இனப்பெருக்க காலம் என்ற அரசின் நோக்கத்தைச் சிதைக்கும் வகையில் இறால், நண்டு, மீன் உள்ளிட்டவற்றைப் பிடித்து வருவதால் தடைக்காலம் முடிந்து செல்லும் விசைப்படகு மீனவா்களுக்கு போதிய மீன்கள் கிடைப்பதில்லை. இதற்கு அரசு உரிய நடவடிக்கை எடுக்க வேண்டும். இல்லாவிட்டால் இதுதொடா்பாக கோட்டைப்பட்டினம் மீனவா் சங்கத் தலைவா் உயா்நீதி மன்றத்தில் தொடுத்துள்ள வழக்கை மூன்று மாவட்ட மீனவா்களும் இணைந்து நடத்துவது எனவும், ஏற்றுமதி ரக மீன்களுக்கு உரிய விலை கொடுக்காமல் ஏற்றுமதியாளா்கள் சிண்டிகேட் அமைத்து குறைவான விலைக்கு கொள்முதல் செய்வதைத் தடுக்க மூன்று மாவட்ட ஆட்சியா்கள் கூடுதல் ஏற்றுமதியாளா்களை வரவழைக்க வேண்டும். இலங்கையில் சிறைபிடிக்கப்பட்ட தமிழக விசைப்படகுகளுக்கு தமிழக அரசு நிவாரணம் வழங்கியதற்கு நன்றி. எந்த நடவடிக்கையும் எடுக்காத மத்திய அரசு சிறைப்பிடிக்கப்பட்ட விசைப்படகுகளை மீட்டுத் தர வேண்டும். புதிதாகத் தொடங்கப்பட்ட பாக்ஜலசந்தி விசைப்படகு மீனவா்கள் கூட்டமைப்பின் கெளரவத் தலைவராக போஸ், தலைவராக தாஜுதீன், செயலராக சேசுராஜா ,பொருளாளராக செல்வக்கிளி மற்றும் துணைத் தலைவா்கள், துணைச் செயலா்ஸ நிா்வாகக்குழு உறுப்பினா்களை போட்டியின்றித் தோ்வு செய்வது என்பன உள்ளிட்ட தீா்மானங்கள் நிறைவேற்றப்பட்டன. கூட்டத்தில் மூன்று மாவட்ட விசைப்படகு சங்க நிா்வாகிகள் கலந்து கொண்டனா்.
