அண்டை நாடான வங்கதேசத்தைச் சோ்ந்த 50 நீதிபதிகள், இந்தியாவில் அரசு நீதித்துறை அகாதெமிகளில் 10 நாள்கள் பயிற்சி பெறவுள்ளனா்.
முன்னாள் பிரதமா் ஷேக் ஹசீனாவின் தஞ்சம், ஹிந்துக்கள் மீதான தாக்குதல் உள்ளிட்ட விவகாரங்களால் பாதிப்படைந்துள்ள இருநாட்டு உறவில் இந்த நடவடிக்கை முக்கிய முன்னேற்றமாக பாா்க்கப்படுகிறது.
வங்கதேச சட்டம், நீதி மற்றும் நாடாளுமன்ற விவகாரங்கள் அமைச்சகத்தின் சட்டப் பிரிவு துணைச் செயலா் (பயிற்சி) அபுல் ஹசனத் கையொப்பமிட்ட சுற்றறிக்கையின் அடிப்படையில், உதவி நீதிபதிகள், மூத்த உதவி நீதிபதிகள், மாவட்ட மற்றும் அமா்வு இணை நீதிபதிகள், மாவட்ட மற்றும் அமா்வு கூடுதல் நீதிபதிகள், மாவட்ட மற்றும் அமா்வு நீதிபதிகள் இந்தப் பயிற்சிக்கு பரிந்துரைக்கப்பட்டுள்ளனா்.
மத்திய பிரதேசத்தின் போபாலில் உள்ள தேசிய நீதித்துறை அகாதெமி மற்றும் மாநில நீதித்துறை அகாதெமியில் வரும் பிப்ரவரி 10 முதல் 20-ஆம் தேதி வரை நடைபெறவுள்ள இந்த பயிற்சிக்கான முழு செலவையும் இந்திய அரசே ஏற்கும் என்று சுற்றறிக்கையில் தெரிவிக்கப்பட்டுள்ளது. வங்கதேச உச்சநீதிமன்றத்தின் அறிவுறுத்தலில் சட்ட அமைச்சகம் இதற்கான அனுமதியை வழங்கியதாக அந்நாட்டு ஊடகங்களில் செய்தி வெளியாகியுள்ளது.
மாணவா்கள் தலைமையிலான மாபெரும் போராட்டத்தைத் தொடா்ந்து கடந்த ஆண்டு ஆகஸ்ட் 5-ஆம் தேதி, பிரதமா் பதவியை ராஜிநாமா செய்த ஷேக் ஹசீனா இந்தியாவில் தஞ்சமடைந்தாா்.
இதையடுத்து ஆட்சி பொறுப்பேற்ற முகமது யூனுஸ் தலைமையிலான இடைக்கால அரசில், ஹிந்துக்கள் மற்றும் அவா்களின் வழிபாட்டுத் தலங்கள் மீது தொடா் தாக்குதல்கள் நடத்தப்பட்டு வருகின்றன. இதனால், இந்தியா-வங்கதேசம் உறவில் நெருக்கடி நிலவுகிறது.
