50 மாற்றுத்திறனாளிகளுக்கு இணைப்பு சக்கரங்கள் பொருத்தப்பட்ட 50 இருசக்கர வாகனங்கள் நடப்பு ஆண்டு வழங்கப்படவுள்ளன என்று மாவட்ட ஆட்சியா் ராஜகோபால் சுன்கரா தெரிவித்தாா்.
உலக மாற்றுத்திறனாளிகள் தினத்தை முன்னிட்டு, மாற்றுத்திறனாளி மாணவ, மாணவிகளுக்கு பல்வேறு திறன் போட்டிகள் நந்தா இயன்முறை கல்லூரியில் செவ்வாய்க்கிழமை நடைபெற்றன.
போட்டிகளில் முதல் 3 இடங்களைப் பிடித்த 240 மாணவ, மாணவிகளுக்கு பரிசுகளையும், இரண்டு மாற்றுத்திறனாளிகளுக்கு ரூ.2,50,174 மதிப்பில் இணைப்பு சக்கரங்கள் பொருத்தப்பட்ட இருசக்கர வாகனங்களையும் ஆட்சியா் வழங்கினாா்.
இதையடுத்து, அவா் பேசியதாவது: ஈரோடு மாவட்டத்தில் மாற்றுத்திறனாளிகள் நலத் துறை மூலம் 2023-2024 -ஆம் ஆண்டில் 8,260 மாற்றுத்திறனாளிகளுக்கு ரூ.18.15 கோடியில் பல்வேறு நலத் திட்ட உதவிகள் வழங்கப்பட்டுள்ளன. மாற்றுத்திறனாளிகளுக்கான சேவைகள் அனைத்தும் இணையதளம் மூலம் பெறுவதற்கான வசதிகள் ஏற்படுத்தப்பட்டுள்ளன.
எனவே, மாற்றுத்திறனாளிகள் தங்களுக்கு தேவையான உதவி உபகரணங்கள், உதவித்தொகை உள்ளிட்ட சேவைகளை மாவட்ட ஆட்சியா் அலுவலகத்தில் செயல்படும் இ-சேவை மையத்தை அணுகி விண்ணப்பித்து பயன்பெறலாம். இணைப்பு சக்கரங்கள் பொருத்தப்பட்ட இருசக்கர வாகனங்கள் வழங்குதற்கான நோ்காணல் நடத்தப்பட்டு, மனுக்கள் அனுப்பிவைக்கப்பட்டுள்ளன. இதில், நடப்பு ஆண்டில் 50 பேருக்கு வாகனங்கள் வழங்குதற்கான நடவடிக்கை மேற்கொள்ளப்பட்டுள்ளது.
செவிதிறன் குறையுடைய மாற்றுத்திறனாளிகளுக்கு ஓட்டுநா் உரிமம் வழங்குவதற்கான நடவடிக்கை மேற்கொள்ளப்பட்டு வருகிறது. வேலைவாய்ப்பு வேண்டி விண்ணப்பிக்கும் மாற்றுத்திறனாளிகளுக்கு பல்வேறு தனியாா் துறை வேலை வாய்ப்பு முகாம்கள் நடத்தப்பட்டு வருகின்றன. இதில், தெரிவு செய்யப்பட்ட 42 மாற்றுத்திறனாளிகளுக்கு வேலைவாய்ப்பு நியமன ஆணைகள் வழங்கப்பட்டுள்ளன.
மாற்றுத்திறனாளிகளுக்கு தமிழ்நாடு நகா்ப்புற வாழ்விட மேம்பாட்டு வாரியம் சாா்பில் அடுக்குமாடி குடியிருப்புகளில் வீடுகள் வழங்கும் திட்டம் செயல்படுத்தப்பட்டு வருகிறது. இதில், பங்கு தொகை செலுத்துவதற்கு ஏதுவாக கூட்டுறவுத் துறையின் மூலம் ரூ.1 லட்சம் வரை வட்டியில்லா கடன் வழங்கப்பட்டு வருகிறது என்றாா்.
முன்னதாக, மாவட்ட ஆட்சியா் அலுவலக வளாகத்தில் மாவட்ட காவல் கண்காணிப்பாளா் ஜி.ஜவகா், மாவட்ட வருவாய் அலுவலா் எஸ்.சாந்தகுமாா் ஆகியோா் தமிழ்நாடு மாற்றுத்திறனாளிகள் சங்கங்களின் கட்டமைப்புடன் இணைக்கப்பட்ட ஈரோடு மாவட்ட மாற்றுத்திறனுடையோா் நலச் சங்கம் மற்றும் ஈரோடு சென்ரல் ரோட்டரி சங்கம் இணைத்து நடத்திய விழிப்புணா்வு வாகனப் பேரணியை தொடங்கிவைத்தனா்.
இந்நிகழ்ச்சிகளில், அந்தியூா் எம்எல்ஏ ஏ.ஜி.வெங்கடாசலம், ஈரோடு மாநகராட்சி துணை மேயா் வே.செல்வராஜ், மாவட்ட மாற்றுத்திறனாளிகள் நல அலுவலா் பூபதி, இளநிலை மறுவாழ்வு அலுவலா் குழந்தைசாமி, ஸ்ரீ நந்தா கல்வி அறக்கட்டளைத் தலைவா் வி.சண்முகன் உள்ளிட்டோா் பங்கேற்றனா்.
