CPM : `நீல வானமாக மாறிய சிவப்பு’ - விமர்சனத்துக்குள்ளான நிற மாற்றம்; கம்யூனிஸ்ட் விளக்கம் என்ன?

மேற்கு வங்காள மார்க்சிஸ்ட் கம்யூனிஸ்ட் கட்சியின் சமூக வலைதள `டிஸ்பிளே பிக்சரில்’ (DP) அந்தக் கட்சி சின்னத்தின் நிறமான சிவப்பு மாற்றப்பட்டுள்ளது தற்போது பெரும் விவாதத்தை கிளப்பியுள்ளது.

மார்க்சிஸ்ட் கம்யூனிஸ்ட்டின் சிவப்பு நிற பேக் கிரவுண்டில் வெள்ளை நிற சுத்தியல் மற்றும் அரிவாள் சின்னம் அனைவரும் நன்கு அறிந்தது ஆகும். கம்யூனிஸ்ட் என்றாலே பலருக்கும் நினைவுக்கு வருவது அந்த சிவப்பு தான்.

இந்நிலையில், தற்போது மேற்கு வங்காளத்தில் அக்கட்சியின் சமூக வலைதள பக்கத்தில் இந்த சின்னத்தின் பேக் கிரவுண்ட் நீல வான நிறத்திலும், சுத்தியல் மற்றும் அரிவாள் தங்க நிறத்திலும் மாற்றப்பட்டுள்ளது. இது தான் தற்போதைய சர்ச்சைக்கு காரணம்.

இதில் என்ன சர்ச்சை?

நீல வான நிறத்துக்கும், மேற்கு வங்கத்தில் ஆளும் கட்சியாக உள்ள திரிணமூல் காங்கிரஸுக்கும் சம்பந்தம் உள்ளது என்கிறார்கள் நெட்டிசன்கள் பலர். அது முதல்வர் மம்தா பானர்ஜிக்கு பிடித்தமான நிறமாம். அப்படியிருக்கையில், தற்போது மேற்கு வங்காளத்தை சேர்ந்த மார்க்சிஸ்ட் கம்யூனிஸ்ட் கட்சி அதே பேக் கிரவுண்டை தங்களது சமூக வலைதள பக்கத்தில் வைத்துள்ளது, 'அவர்கள் திரிணமூல் காங்கிரஸிடன் சரணடைந்துவிட்டதாக காட்டுகிறது' என்று இந்த செயலை நெட்டிசன்கள் விமர்சனம் செய்து வருகின்றனர்.

8 முறை மாற்றம்

இந்த சர்ச்சைகளுக்கு முற்றுப்புள்ளி வைக்கும் விதமாக, மத்திய மார்க்சிஸ்ட் கம்யூனிஸ்ட் கட்சியின் உறுப்பினர் சுஜன் சக்ரவர்த்தி, "இது வெறும் சின்னத்தில் சிறிய மாற்றம் தான். சமீபத்திய ஆண்டுகளில் 8 முறை சின்னத்தை மாற்றியுள்ளோம். எங்களுடைய கொடி என்றும் சிவப்பாக தான் தொடரும். 'சுரண்டலை தடுக்க வேண்டும்' என்ற கொள்கையில் இருந்து நாங்கள் என்றும் மாறுபட மாட்டோம்" என்று கூறியிருக்கிறது.

அவர்களுக்கானது அல்ல...

இந்த சம்பவம் குறித்து மேற்கு வங்க மார்க்சிஸ்ட் கம்யூனிஸ்ட் கட்சியின் உறுப்பினர் சதரூப் கோஷ், "வானம் என்பது திரிணமூலுக்கு மட்டும் சொந்தம் அல்ல என்று நாங்கள் நினைக்கிறோம்" என்று பதிலளித்துள்ளார்.

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks