Empuraan: `எந்த மாற்றமும் இல்லை; சொன்ன தேதியில் வெளியாகும்' - `எம்பூரான்' படக்குழு வெளியிட்ட தகவல்

பிரித்விராஜ் இயக்கத்தில் மோகன்லால் நடிப்பில் கடந்த 2019-ம் ஆண்டு வெளியான திரைப்படம் `லூசிஃபயர்'. இப்படத்தின் இரண்டாம் பாகமாக உருவாகியிருக்கும் `எல் 2: எம்பூரான்' வருகிற 27-ம் தேதி திரையரங்குகளில் வெளியாகிறது. சில காரணங்களுக்காக இத்திரைப்படத்தின் ரிலீஸ் தேதி தள்ளிவைக்கப்படவுள்ளதாக சில பேச்சுகள் எழுந்தது. ஆனால், படக்குழுவினரிடமிருந்து அப்படியான தகவல்கள் எதுவும் வெளிவரவில்லை. படத்தின் தயாரிப்பு நிறுவனங்களில் ஒன்றான ஆசீர்வாத் சினிமாஸ் தனது சமூக வலைதளப் பக்கத்தில் பதிவிட்டு இந்த தகவலை மறுத்திருக்கிறது.

அந்த பதிவில், ``உண்மையைக் காட்டிலும் வதந்திதான் வேகமாகப் பரவப்படும். அறிவித்ததைப் போல `எம்பூரான்' திரைப்படம் 27-ம் தேதி வெளியாகிறது. எந்த தேதி மாற்றமும் இல்லை. எந்த சந்தேகமும் வேண்டாம்." எனக் குறிப்பிட்டிருந்தார்கள். ஆதலால் ரிலீஸ் தேதியில் எந்த மாற்றமும் இல்லை என்பது தற்போது உறுதியாகி இருக்கிறது.

இதை மேலும் உறுதிப்படுத்தும் வகையில் கடந்த 15-ம் தேதி மோகன்லால் `` திரைப்படத்தின் முதல் நாள் முதல் காட்சி மார்ச் 27-ம் தேதி காலை 7 மணிக்கு தொடங்கும்!'' என பதிவு ஒன்றையும் போட்டிருக்கிறார். அதுபோல இத்திரைப்படத்தை ஆசீர்வாத் சினிமாஸ் நிறுவனமும், லைகா புரொடகஷன்ஸ் நிறுவனமும் தயாரித்திருந்தது. தற்போது மூன்றாவதாக ஸ்ரீ கோகுலம் மூவிஸ் நிறுவனம் படத்திற்குள் வந்திருக்கிறது. இந்த தகவலை ஸ்ரீ கோகுலம் மூவிஸ் நிறுவனமே தனது சமூக வலைதளப் பக்கத்தில் பதிவிட்டு உறுதிப்படுத்தியிருக்கிறது.

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks