Simran: `30 வருட கரியரில் இதுதான் சிறந்த தருணம்; அஜித், விஜய்க்கு என்னுடைய..'- நெகிழும் சிம்ரன்

சிம்ரன் சமீபத்தில் வெளியான ‘அஜித்தின் குட் பேட் அக்லி’ படத்தில் சிறப்பு தோற்றத்தில் நடித்திருந்தார். இதனைத் தொடர்ந்து சசிகுமாருக்கு ஜோடியாக ‘டூரிஸ்ட் ஃபேமிலி’ படத்தில் நடித்திருந்தார்.

கடந்த மே1 ஆம் தேதி வெளியாகி நல்ல வரவேற்பைப் பெற்றிருந்தது. இந்நிலையில் விமான நிலையத்தில் சிம்ரன் செய்தியாளர்களைச் சந்தித்துப் பேசியிருக்கிறார்.  

‘அப்போது டூரிஸ்ட் பேமிலி’ திரைப்படத்தின் வெற்றியை  எப்படி பார்க்கிறீர்கள் என்ற கேள்விக்கு,  இந்தப் படம் வெற்றி அடைந்தது எனக்கு மிகவும் சந்தோஷமாக இருக்கிறது.

ஒரு ஃபேமிலி திரைப்படம் வெற்றி அடைந்திருக்கிறது. ‘குட் பேக் அக்லி’ படம்  கூட திரும்ப பிரியாவை உருவாக்கி இருக்கிறது.  அதனால் எனது ரசிகர்களுக்கு நன்றி. என்னுடைய முப்பது வருட கரியரில் இதுதான் சிறந்த தருணம் என்று நினைக்கிறேன்” என்று கூறியிருக்கிறார்.

இதனைத்தொடர்ந்து பெண்களை மையப்படுத்தியக் கதைகளில் நடிப்பீர்களா? என்று கேட்டபோது, 100 சதவிகிதம் பெண்களை மையப்படுத்தியப் படங்களில் நடிப்பேன். இப்போது ஆடியன்ஸ் எல்லாம் ஓபன் மைண்ட் உடன் இருக்கிறார்கள்.

பெண்கள் தொடர்பான பெண்களை மையப்படுத்தும் படங்களை செய்தால் மக்கள் கண்டிப்பாக ஏற்றுக் கொள்வார்கள். எந்த படமாக இருந்தாலும் அதில் கதைதான் எல்லாம்” என்று கூறியிருக்கிறார். 

உங்களுடன் நிறைய நடிகர்கள் நடித்திருக்கிறார்கள், அதில் நடிகர் விஜயின் அரசியல் வருகையை எப்படி பார்க்கிறீர்கள் என்ற கேள்விக்கு, ‘நான் விஜய்க்கு வாழ்த்துகளைத் தெரிவித்துகொள்கிறேன். குட் லக்’ என்று கூறியிருக்கிறார். 

அதைத்தொடர்ந்து அஜித் பத்மபூஷன் விருது வாங்கி இருக்கிறார். அது பற்றி உங்கள் கருத்து என்று கேட்கப்பட்டபோது, "அஜித் பத்ம பூஷன் விருது பெற்றதை நினைத்து சந்தோஷப்படுகிறேன். அஜித் அதற்கு தகுதியானவர்”  என்று சிம்ரன்  கூறியிருக்கிறார்.

சினிமா விகடனின் பிரத்யேக Whatsapp க்ரூப்

https://chat.whatsapp.com/KzgH8aPb2MI9PVttY53JpX

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/KzgH8aPb2MI9PVttY53JpX