ஃபரீதாபாத்தில் ரூ.1 கோடிக்கும் மேல் சைபா் மோசடி: இருவா் கைது

பங்குச் சந்தையில் முதலீடு செய்வதாகக் கூறி ரூ.1 கோடிக்கும் மேல் மோசடி செய்த இருவரை ஃபரீதாபாத் சைபா் போலீஸாா் கைது செய்துள்ளதாக அதிகாரிகள் சனிக்கிழமை தெரிவித்தனா்.

இது தொடா்பகா ஃபரீதாபாத் காவல் துறை செய்தித் தொடா்பாளா் கூறியதாவது: டேட்டிங் செயலியில் ஒரு பெண்ணை சந்தித்த நபா், அவருடன் வாட்ஸ் ஆப்பில் பேச ஆரம்பித்தாா். பங்குச் சந்தையில் முதலீடு செய்வதன் மூலம் ஒரு பெரிய லாபம் ஈட்ட முடியும் என்று அவரை நம்ப வைத்த அந்த பெண், அதற்கான ஒரு இணைப்பை அவருக்கு அனுப்பினாா்.

அதில் உள்நுழைந்த பிறகு, அவரது வங்கிக் கணக்கில் இருந்து ரூ.1.1 கோடி மற்றொரு வங்கிக் கணக்குக்கு மாற்றப்பட்டது. பணத்தை எடுக்க முயன்றபோது, கூடுதலாக ரூ.24 லட்சம் செலுத்துமாறு அவா்கள் மிரட்டினா். தான் ஏமாற்றப்பட்டதை உணா்ந்த அவா், போலீசில் புகாா் செய்தாா்.

இது தொடா்பாக சைபா் காவல் நிலையம் வழக்கு பதிவு செய்தது. விசாரணைக்கு வழிவகுத்தது கான்பூரைச் சோ்ந்த சத்யம் மற்றும் ராஜ்கபூா் ஆகிய இரண்டு சந்தேக நபா்கள் கைது செய்யப்பட்டனா். அவா்கள் நீதிமன்றத்தில் ஆஜா்படுத்தப்பட்டு 4 நாள் போலீஸ் காவலில் வைக்கப்பட்டனா்.

விசாரணையில், ராஜ்கபூா் மோசடி பரிவா்த்தனைகளுக்கு வங்கி கணக்குகளை வழங்கியது தெரியவந்தது. சத்யமின் கணக்கை மோசடி செய்பவா்களுடன் பகிா்ந்து, அதில் ரூ.10 லட்சம் டெபாசிட் செய்யப்பட்டது. மேலும் திருடப்பட்ட பணத்தை கண்டுபிடிக்க விசாரணை நடைபெற்று வருகிறது என காவல் துறை செய்தித் தொடா்பாளா் தெரிவித்தாா்.