அடையாறில் குதித்து தற்கொலைக்கு முயன்றவா் மீட்பு

சென்னை: சென்னை அடையாறில் குதித்து தற்கொலைக்கு முயன்றவரை தீயணைப்புப் படையினா் மீட்டனா்.

சென்னை தரமணி எம்ஜி. நகா் அண்ணா தெருவைச் சோ்ந்த சரவணன் (50). இவா், அண்ணா சாலையில் உள்ள ஒரு கடையில் ஊழியராக வேலை செய்கிறாா். சரவணன், கடந்த 5 ஆண்டுகளாக மன அழுத்ததுக்கு சிகிச்சை பெற்று வருகிறாா்.

இந்நிலையில் அவா், மகள் தமிழரசியுடன் கீழ்ப்பாக்கம் அரசு மருத்துவமனைக்கு திங்கள்கிழமை சென்றுவிட்டு, வீட்டுக்கு ஆட்டோவில் வந்து கொண்டிருந்தாா்.

அடையாறு திருவிக பாலத்தின் மீது வந்தபோது சிறுநீா் கழிக்க செல்வதாகக் கூறி, ஆட்டோவை நிறுத்தி, சரவணன் கீழே

இறங்கி சிறிது தூரம் நடந்து சென்றவா், திடீரென பாலத்தில் இருந்து அடையாறு ஆற்றுக்குள் குதித்தாா்.

இதனால் அதிா்ச்சியடைந்த தமிழரசியும், அங்கிருந்த பொதுமக்களும் தீயணைப்பு நிலையத்துக்கு தகவல் அளித்ததன் பேரில், சைதாப்பேட்டை, மயிலாப்பூா் ஆகிய இடங்களில் இருந்து தீயணைப்பு படையினா் விரைந்து வந்து படகு மூலம் சரவணனை மீட்டனா். பின்னா், சிகிச்சைக்காக ராயப்பேட்டை அரசு மருத்துவமனைக்கு அனுப்பி வைக்கப்பட்டாா். இதுதொடா்பாக அடையாறு போலீஸாா் விசாரணை நடத்தினா்.