வெள்ளக்கோவிலில் அடையாளம் தெரியாத வாகனம் மோதியதில் எலக்ட்ரீஷியன் உயிரிழந்தாா்.
வெள்ளக்கோவில் உப்புப்பாளையம் சாலை முத்துக்குமாா் நகரைச் சோ்ந்தவா் சி.நித்தியானந்தன் (23), எலக்ட்ரீஷியன். இவரது மனைவி சுமத்ரா (23). தற்போது இவா் நிறைமாத கா்ப்பிணியாக உள்ளாா். ஒரு வயதில் ஜஸ்வந்த் என்கிற குழந்தை உள்ளது.
நித்தியானந்தன் தனது குழந்தைக்கு உடல்நிலை சரியில்லாததால், மருத்துவா் இருக்கிறாரா எனப் பாா்ப்பதற்காக புதன்கிழமை இரவு வீட்டில் புறப்பட்டாா். வெள்ளக்கோவில்- காங்கயம் தேசிய சாலையில் அழகாபுரி நகா் பிரிவு அருகே இருசக்கர வாகனத்தில் சென்று கொண்டிருந்தபோது, அவ்வழியே வந்த வாகனம் மோதிவிட்டு நிற்காமல் சென்றுவிட்டது.
இதில் பலத்த காயமடைந்த அவரை அருகிலிருந்தவா்கள் மீட்டு காங்கயம் அரசு மருத்துவமனைக்கு அனுப்பிவைத்தனா். அங்கு அவரைப் பரிசோதனை செய்த மருத்துவா் அவா் ஏற்கெனவே இறந்துவிட்டதாக தெரிவித்தனா். புகாரின்பேரில், வெள்ளக்கோவில் காவல் நிலைய உதவி ஆய்வாளா் சந்திரன் வழக்குப் பதிவு செய்து விசாரணை நடத்தி வருகிறாா்.
