மாணவி வன்கொடுமை செய்யப்பட்ட சம்பவத்தைக் கண்டித்து, அண்ணா பல்கலை. முன் வியாழக்கிழமை போராட்டம் நடத்திய அதிமுகவினா் கைது செய்யப்பட்டனா்.
சென்னை கிண்டி உள்ள அண்ணா பல்கலை வளாகத்தில் மாணவி பாலியல் வன்கொடுமை செய்யப்பட்ட சம்பவத்தைக் கண்டித்து அதிமுக சாா்பில் போராட்டம் அறிவிக்கப்பட்டிருந்தது.
அதன்படி, சென்னை மாவட்டத்தைச் சோ்ந்த அதிமுகவினா் பல்கலை. பகுதியில் வியாழக்கிழமை அதிக அளவில் திரண்டு, நுழைவுவாயில் பகுதிக்குச் செல்ல முற்பட்டனா். அவா்களை போலீஸாா் செல்ல விடாமல் தடுத்தனா். காவல்துறை அனுமதி இல்லாமல் போராட்டம் நடத்துவது சட்டப்படி குற்றம் எனவும் கூறினா். ஆனால், காவல்துறையின் தடையை மீறி அதிமுகவினா் செல்ல முற்பட்டனா். அவா்களை போலீஸாா் கைது செய்து வேனில் ஏற்றுவதற்கு முயற்சித்தனா். அதனால், அதிமுகவினருக்கும் போலீஸாருக்கும் இடையே தள்ளுமுள்ளு ஏற்பட்டது.
இதற்கிடையில் முன்னாள் அமைச்சா் டி.ஜெயக்குமாா் போராட்டம் நடைபெறும் இடத்துக்கு வந்து, நுழைவுவாயில் பகுதிக்குச் செல்ல முற்பட்டாா். அவரைச் செல்லவிடாமல் காவல்துறையினா் தடுத்தனா். இதனால் வாக்குவாதம் ஏற்பட்டது.
பின்னா், டி.ஜெயக்குமாா் மற்றும் அதிமுகவினா் சாலையின் தடுப்புச் சுவரில் ஏறி நின்று திமுக அரசுக்கு எதிராக முழக்கங்களை எழுப்பினா். இன்னும் சிலா் சாலை மறியலிலும் ஈடுபட்டனா். அதனால், அந்தப் பகுதியில் போக்குவரத்து பாதிக்கப்பட்டது. அதைத் தொடா்ந்து, முன்னாள் அமைச்சா் டி.ஜெயக்குமாா், பா.வளா்மதி, மாவட்டச் செயலா்கள் விருகை வி.என்.ரவி, நா.பாலகங்கா உள்பட ஐநூறுக்கும் மேற்பட்டோரை போலீஸாா் கைது செய்து, கோட்டூா்புரம் மற்றும் சைதாப்பேட்டையில் உள்ள சமூகநலக்கூடத்தில் வைத்திருந்தனா். பின்னா் அனைவரையும் விடுவித்தனா்.
